მიმდინარე წლის იანვარში საქართველოში შემოსული ფულადი გზავნილების ნაკადების მოცულობამ 263.4 მლნ აშშ დოლარი (704.6 მლნ ლარი) შეადგინა, რაც 40.8%-ით (181.6 მლნ აშშ დოლარით) ნაკლებია 2023 წლის იანვრის ანალოგიურ მაჩვენებელზე.
ახალი ამბები
მკითხველის რჩეული
- 1 საპატრულო პოლიციამ შშმ პირს მანქანაში ჩააფსმევინა, შსს-ს 10 ათასის გადახდა დაეკისრა
- 2 283 ქოთანი და 7 კგ გამომშრალი მარიხუანა - დიზაინერ რატი რატიანს 15 წელი მიუსაჯეს
- 3 ბანკირის ენერგოპროექტი - გოგნის ქარის ელექტროსადგურისთვის კოლხურ ტყეებს გაჩეხავენ
- 4 სოხუმი მასშტაბური ენერგოკოლაფსის მიზეზად ენგურჰესზე მომხდარ ავარიას ასახელებს
- 5 ნატა ვიბლიანის გაუპატიურების ერთი ეპიზოდი მამის საფლავზე მოხდა - ადვოკატი
- 6 „საეჭვო გარემოება ვერ გამოვლინდა“ - შსს 2014 წელს გაუჩინარებული გურამ დადიანიძის საქმეზე
გზავნილების 25.68% რუსეთის ფედერაციაზე მოდის. საქართველოს ეროვნული ბანკის მონაცემებით, იანვარში რუსეთიდან საქართველოში 67.64 მილიონი დოლარი ჩაირიცხა, რაც 2023 წლის იანვართან შედარებით 74.73%-ით ნაკლებია. გასული წლის იანვარში ეს მაჩვენებელი 267.6 მლნ დოლარი იყო. ამასთან, 2022 წლის იმავე თვეში, ვიდრე რუსეთი უკრაინაში ომს დაიწყებდა, რუსეთიდან საქართველოში 20.3 მლნ დოლარი გადმორიცხეს.
ფულადი გზავნილების მოცულობის მიხედვით მეორე ადგილზე იტალიაა, საიდანაც 44.16 მლნ დოლარი შემოვიდა. იტალიის შემდეგ ყველაზე მეტი თანხა - 38 მლნ დოლარი - ამერიკის შეერთებული შტატებიდან ჩარიცხეს. პირველ ათეულში ასევე შედიან საბერძნეთი ($18.47 მლნ), ისრაელი ($17.88 მლნ), გერმანია ($16.19 მლნ), ყაზახეთი ($9.38 მლნ), თურქეთი ($6.82 მლნ), ესპანეთი ($4.33 მლნ) და საფრანგეთი ($4.15 მლნ).
ეროვნული ბანკის მონაცემებით, გასულ თვეში ევროკავშირის ქვეყნებიდან სულ 100.44 მლნ დოლარი ჩარიცხეს, რაც მთლიან ჩარიცხულ მოცულობაში 38%-ია.
იანვარში საქართველოდან საზღვარგარეთ 25.9 მლნ დოლარი გადაიგზავნა. ეს 1.5%-ით ნაკლებია 2023 წლის იანვრის (26.3 მლნ დოლარი) მაჩვენებელზე. ყველზე მეტი თანხა საქართველოდან თურქეთში ($5.4 მლნ), რუსეთში ($3.4 მლნ), აზერბაიჯანში ($2.7 მლნ), უკრაინასა ($1.8 მლნ) და აშშ-ში ($1.2 მლნ) გადარიცხეს.
