რუსეთის ფედერაციის თავდაცვის სამინისტრო ოკუპირებულ აფხაზეთში, გუდაუთის სამხედრო ბაზის ტერიტორიაზე, საკუთარ საგანმანათლებლო დაწესებულებას ხსნის. შესაბამისი „შეთანხმების“ რატიფიცირებას აფხაზეთის დე ფაქტო პარლამენტმა მხარი 21 აპრილს დაუჭირა.
ახალი ამბები
მკითხველის რჩეული
- 1 გორში პოლიციელების მიერ ნაცემი პირი წინააღმდეგობის გაწევის ბრალდებით დააკავეს
- 2 გიგა ავალიანის საქმე: დემეტრე ჩიქოვანს 9 წელი და 9 თვე, ანი ნასყიდაშვილს 5 წელი და 3 თვე მიესაჯა
- 3 პროკურატურამ გორში ნაცემი პაპუნა ლოცულაშვილისთვის ბრალის წარდგენაზე უარი თქვა
- 4 6 პოლიციელი დააკავეს გორში მოქალაქეებზე ძალადობის ბრალდებით
- 5 „ყველა სცემდა, ვინც მოვიდა“ - გორში პოლიციელებმა მოქალაქეები სასტიკად სცემეს
- 6 „პოლიციელს ქვით დაუზიანა ჯანმრთელობა“ – შს მინისტრის მოადგილე გორში ძალადობაზე
ადგილობრივი მედიის ცნობით, დოკუმენტი, რომელსაც ხელი 2025 წლის 7 მაისს მოსკოვში მოეწერა, ახალი ზოგადსაგანმანათლებლო დაწესებულების შექმნას ითვალისწინებს. სკოლის მთავარი ფუნქცია იქნება რუსეთის სახელმწიფო სტანდარტების შესაბამისი განათლების უზრუნველყოფა (დაწყებითი, საბაზისო და საშუალო საფეხურები); ბაზაზე დისლოცირებული რუსი სამხედროების, სამოქალაქო პერსონალისა და ოკუპირებულ ტერიტორიაზე მყოფი სხვა რუსეთის მოქალაქეების შვილების სწავლება.
დე ფაქტო პრეზიდენტის წარმომადგენლის, დიმიტრი შამბას განცხადებით, სკოლა გუდაუთის რაიონში, კერძოდ, ბომბორას დასახლებაში განთავსდება, სადაც რუსული ბაზის ძირითადი ინფრასტრუქტურაა თავმოყრილი.
შამბას განმარტებით, ამ გადაწყვეტილების მიზეზი ადგილობრივი სკოლების გადატვირთულობა გახდა. ამჟამად სამხედროების შვილები ბაზის სიახლოვეს მდებარე აფხაზურ სკოლებში სწავლობენ, რაც „გარკვეულ სირთულეებს, მათ შორის მრავალცვლიან გრაფიკს ქმნის“.
ყოფილი სამხედრო აეროდრომის, „ბომბორას“ ტერიტორიაზე რუსეთის მე-7 სამხედრო ბაზა 2009 წლის 1-ელ თებერვალს გაიხსნა. მოსკოვსა და სოხუმს შორის არსებული ე.წ. შეთანხმებით, რუსული სამხედრო კონტინგენტი იქ 49 წლის ვადით არის განთავსებული. ამჟამად ბაზის პერსონალი დაახლოებით 4000 ადამიანს შეადგენს.
