თბილისის საქალაქო სასამართლოს მოსამართლე ნანა შამათავამ ბიზნესმენ გიორგი რამიშვილს, მეტსახელად „ზარალას“, აღკვეთის ღონისძიების სახით 70 000 ლარის ოდენობით გირაო შეუფარდა. რამიშვილი, რომელსაც ბრალად ცეცხლსასროლი იარაღის მართლსაწინააღმდეგო ტარება ედება, სასამართლო დარბაზიდან გათავისუფლდა.
ახალი ამბები
მკითხველის რჩეული
- 1 მზია ამაღლობელს ერთ თვალში მხედველობა 10 %-მდე შეუმცირდა, მეორეში - 0,04 %-ია - ადვოკატი
- 2 რიჟვაძის საქმეზე საზღვაო ტრანსპორტის სააგენტოს დირექტორი ალექსი ახვლედიანი დააკავეს
- 3 ივანიშვილ-კუპრაშვილის ბიურომ რუსული კანონების აღსრულება დაიწყო - არასამთავრობოები
- 4 მასობრივი ცენზურა - დევნა Facebook-ის სტატუსებისთვის
- 5 პაპუაშვილი არჩევნებზე წალენჯიხის მერიის განცხადებას „საბოტაჟს“ უწოდებს
- 6 სალომე ზურაბიშვილი 5 000 ლარით დააჯარიმეს გზის გადაკეტვისთვის
პროკურატურა ბრალდებულისთვის პატიმრობის შეფარდებას ითხოვდა, დაცვის მხარემ კი 50 000 ლარიანი გირაოს გამოყენების შუამდგომლობა დააყენა.
გიორგი რამიშვილი 6 ივლისს, თბილისის საერთაშორისო აეროპორტში დააკავეს იმ დროს, როდესაც ის ქვეყნიდან მიემგზავრებოდა. პროკურატურის განცხადებით, გამგზავრების ტერმინალში, რედგენო-სკანერით შემოწმებისას ბრალდებულს ხელბარგში აღმოაჩნდა მასზე შენახვის უფლებით რეგისტირებული WALTHER PPK/S“ მოდელის 9 მმ კალიბრის ცეცხლსასროლი პისტოლეტი, მჭიდითა და 7 ცალი, 9 მმ კალიბრის საბრძოლო ვაზნით, რასაც მართლსაწინააღმდეგოდ ატარებდა.
რამიშვილი ბრალს არ აღიარებს. სასამართლოზე მან განაცხადა, რომ „შეცდომა“ მოუვიდა.
„შემიძლია ცალსახად ვთქვა, რომ დღეს სასამართლომ მიიღო აბსოლუტურად ობიექტური გადაწყვეტილება, ვინაიდან არ გამოიყენა ყველაზე მკაცრი აღკვეთის ღონისძიება. ჩვენ ვიცით, რომ ამ ადამიანს [გიორგი რამიშვილს] გააჩნია საკმაოდ სერიოზული ბიზნესი, სერიოზული კავშირები და ბუნებრივია, დაზიანდებოდა მისი საქმიანი რეპუტაცია“, - განაცხადა ადვოკატმა ირმა ჭკადუამ.
პროკურატურა საქალაქო სასამართლოს გადაწყვეტილებას სააპელაციო სასამართლოში გაასაჩივრებს.
საქმეზე წინასასმართლო სხდომა 26 აგვისტოს ჩაინიშნა. დანაშაული, რომლის ჩადენასაც პროკურატურა ბიზნესმენს ედავება, 4-დან 7-წლამდე პატიმრობით ისჯება.
58 წლის გიორგი რამიშვილი „სილქ როუდ ჯგუფის“ მფლობელი, „სილქნეტის“ სამეთვალყურეო საბჭოს თავმჯდომარე და „ევრონიუს ჯორჯიას“ დამფუძნებელია.
