ამერიკის შეერთებული შტატების საჰაერო ძალების გაერთიანებული შტაბის უფროსმა, პრეზიდენტის, თავდაცვის მდივნისა და ეროვნული უშიშროების საბჭოს მთავარმა სამხედრო მრჩეველმა, გენერალმა ჩარლზ ბრაუნმა განაცხადა, რომ ღრმად შეშფოთებულია საქართველოში რუსეთის გავლენით.
ახალი ამბები
მკითხველის რჩეული
- 1 რა მოხდა თელავის სასტუმროში, სადაც რუსეთის მოქალაქის ცემის ბრალდებით მამაკაცი დააკავეს
- 2 საპატრულო პოლიციამ შშმ პირს მანქანაში ჩააფსმევინა, შსს-ს 10 ათასის გადახდა დაეკისრა
- 3 283 ქოთანი და 7 კგ გამომშრალი მარიხუანა - დიზაინერ რატი რატიანს 15 წელი მიუსაჯეს
- 4 გაუპატიურება, წამება და დაკარგული ჩვილი - ნატა ვიბლიანის საქმეზე გამოძიება დაიწყო
- 5 სოხუმი მასშტაბური ენერგოკოლაფსის მიზეზად ენგურჰესზე მომხდარ ავარიას ასახელებს
- 6 მძღოლს, რომელმაც გორში ავარიით დედა-შვილი იმსხვერპლა, 225 ვიდეოჯარიმა ჰქონდა
20 მაისს, პენტაგონში, თავდაცვის მდივან ლოიდ ოსტინთან ერთად გამართულ ბრიფინგზე, გენერალს ჰკითხეს, შეუძლია თუ არა ნატოს, გააკეთოს რაიმე, რათა დაეხმაროს საქართველოს, წინააღმდეგობა გაუწიოს რუსეთის გავლენის გაფართოების ძალისხმევას.
„ჩვენ ღრმად შეშფოთებული ვართ და ვაკვირდებით გავლენას, რომელიც რუსეთს საქართველოში აქვს. ჩვენ დავრჩებით საქართველოს სუვერენიტეტის ერთგული. გასულ კვირაში შევხვდი ჩემს კოლეგებს ნატოში. ჩვენ მუდმივად ვსაუბრობთ იმაზე, თუ როგორ ვმუშაობთ ერთად როგორც ნატოს პარტნიორი ქვეყნების სუვერენიტეტზე, ისე უსაფრთხოების ზოგად სიტუაციაზე ევროპაში“, - განაცხადა მან.
რაც შეეხება შეკითხვას, აისახება თუ არა რუსეთის გავლენა ნატოში საქართველოს გაწევრიანებაზე ან ნატოსკენ მიმავალ გზაზე, გენერალ ბრაუნის თქმით, ის არ მონაწილეობს პოლიტიკური გადაწყვეტილებების მიღებაში. „მაგრამ ჩემი, როგორც სამხედრო მოსამსახურის აზრით, ეს არის სხვადასხვა ქვეყნის, ისევე როგორც, ამ ქვეყნების მოქალაქეების უსაფრთხოების უზრუნველყოფა“, - აღნიშნა გენერალმა.
შეერთებული შტატების სახელმწიფო დეპარტამენტში არაერთხელ განაცხადეს, რომ ე.წ. უცხოეთის აგენტების შესახებ რუსული კანონი, რომელიც „ქართული ოცნების“ უმრავლესობით დაკომპლექტებულმა პარლამენტმა 14 მაისს მიიღო, საქართველოს სახიფათო ტრაექტორიაზე დააყენებს, საფრთხეს შეუქმნის საქართველოს ევროატლანტიკურ გზას და ძირს გამოუთხრის აშშ-საქართველოს ურთიერთობებს.
