საქართველოში ევროკავშირის წარმომადგენლობა „იუნისეფის“ მიერ დაწესებულ მსოფლიო ბავშვთა დღისადმი მიძღვნილ განცხადებაში ქართველ ახალგაზრდებს, რომლებიც ევროპული მომავლისთვის იბრძვიან, თანადგომას უცხადებს.
ახალი ამბები
მკითხველის რჩეული
- 1 ვლადიკავკაზში ქორწილის მონაწილეები საქართველოს დროშების გამოყენებისთვის დააპატიმრეს
- 2 ქართველი სამხედრო მფრინავი ზვიად ბექაური დაიღუპა კონგოს დემოკრატიულ რესპუბლიკაში
- 3 დამოუკიდებელი მედიების რედაქტორები ელისო კილაძის საქმის განხილვის საჯაროობას ითხოვენ
- 4 „სიკვდილი ამერიკას, სიკვდილი ისრაელს“ - ფონიჭალის მეჩეთმა მოჯთაბა ხამენეის მიმართვა გააზიარა
- 5 მოქალაქე თიანეთის პოლიციას სექსუალური ხასიათის მუქარასა და ძალადობაში ადანაშაულებს
- 6 ძამის ხეობაში კულტურული მემკვიდრეობის ძეგლი, მე-5 საუკუნის ეკლესია დაანგრიეს
„მსოფლიო ბავშვთა დღეს, გვინდა ყურადღება გავამახვილოთ იმ გამოწვევებზე, რომლებსაც ბავშვები და ახალგაზრდები აწყდებიან საქართველოში, გასული 1000 დღის განმავლობაში უკრაინაში, რუსეთის ფართომასშტაბიანი შეჭრის შედეგად, ისევე როგორც მთელ მსოფლიოში.
„მოუსმინე მომავალს“ წლევანდელი მსოფლიო ბავშვთა დღის მთავარი გზავნილია, რომელიც ხაზს უსვამს ბავშვების როლს ჩვენს საზოგადოებაში და მათი უფლებების დაცვის საჭიროებას მიმდინარე კრიზისების ფონზე.
საქართველოში ახალგაზრდები საკუთარი უფლებების, თავისუფლებისა და მათი ქვეყნის ევროპული მომავლის დასაცავად იბრძვიან. ჩვენ მათ გვერდით მტკიცედ ვდგავართ და ხაზს ვუსვამთ მათი გამოხატვისა და შეკრების თავისუფლების ფუნდამენტური უფლებების პატივისცემის აუცილებლობას.
ჩვენ ვაგრძელებთ ბავშვებისა და ახალგაზრდების დაცვას ძალადობისგან და ვუსმენთ მათ ხმას. ევროკავშირი მხარს უჭერს საქართველოს, შექმნას უსაფრთხო გარემო თითოეული ბავშვისა და ახალგაზრდისთვის“, - ნათქვამია ევროკავშირის წარმომადგენლობის განცხადებაში.
ახალგაზრდები, მათ შორის სტუდენტები, აქტიურად მონაწილეობენ საპროტესტო გამოსვლებში, რომელიც 26 ოქტომბრის საპარლამენტო არჩევნების შემდეგ თითქმის ყოველ დღე იმართება. ისინი მიიჩნევენ, რომ არჩევნები გაყალბდა და მხარს უჭერენ ახალი არჩევნების ჩატარების მოთხოვნას. მანამდე, ახალგაზრდები „ქართული ოცნების“ მიერ ე.წ. „უცხოეთის აგენტების“ შესახებ რუსული კანონის მიღებას აპროტესტებდნენ. აღნიშნულმა კანონმა ევროკავშირში საქართველოს გაწევრიანების პროცესი შეაჩერა.
