„ქართულ ოცნებასთან“ აფილირებული ანტიდასავლური პოლიტიკური მოძრაობა „ერთიანი ნეიტრალური საქართველო“ პარტიად ჩამოყალიბებასა და მომავალ საპარლამენტო არჩევნებში მონაწილეობას გეგმავს.
ახალი ამბები
მკითხველის რჩეული
- 1 „სფერო ჰოლდინგის“ საქმეზე კიდევ ერთი პირი, სოფიკო პეტრიაშვილი დააკავეს
- 2 6 წელზე მეტი ასაკის ავტომობილების იმპორტი 1-ელი აპრილიდან აიკრძალება
- 3 ლავროვი: „3+3“ ფორმატში საქართველოსთვის კარი ღიაა
- 4 18 წლის ბიჭის მკვლელობისთვის ივანე გიგლემიანს უვადო პატიმრობა მიუსაჯეს
- 5 ტელეკომპანია „იმედი“ 1000 ლარად კომპანია „პრაიმ მედია გლობალმა“ იყიდა
- 6 მოზარდზე ძალადობისთვის გლდანი-ნაძალადევის პოლიციის უფროსის მოადგილე დააკავეს
„გარედან წამოსული არნახული ზეწოლის, ამ მიმართულებით ხელისუფლების უმოქმედობისა და ოპოზიციის ანტიქართული საქმიანობის ფონზე მივიღეთ გადაწყვეტილება, განვაცხადოთ პოლიტიკური პარტიის დაფუძნების თაობაზე. იმ პასუხისმგებლობის გათვალისწინებით, რაც გაგვაჩნია ჩვენი ქვეყნის და ხალხის წინაშე, ვეღარ დავრჩებით ევროილუზიაში მყოფი ხელისუფლებისა და უსამშობლო, აგენტურული ოპოზიციის იმედად“, – თქვა „ერთიანი ნეიტრალური საქართველოს“ ერთ-ერთმა დამფუძნებელმა, ვატო შაქარიშვილმა დღეს, 29 ოქტომბერს გამართულ ბრიფინგზე.
პარტიის დამფუძნებელი ყრილობის ჩატარება „უახლოეს პერიოდში“ იგეგმება, რის შემდეგაც, ვატო შაქარიშვილის თქმით, დაიწყებენ მზადებას საპარლამენტო არჩევნებისთვის.
როგორც ვატო შაქარიშვილმა განაცხადა, საქართველოს ხელისუფლებამ უარი უნდა თქვას „პოლიტიკურად და ეკონომიკურად დეგრადირებულ ევროკავშირში გაწევრიანებაზე, ვიდრე არ მოხდება ამ გაერთიანებაში ჭეშმარიტი ევროპული, დემოკრატიული და სამართლიანი ღირებულებების რეანიმაცია“.
„სამწუხაროდ, დღეს ისე ჩანს, რომ არც ევროკავშირს და არც ამერიკას სუვერენული საქართველო არაფერში სჭირდებათ, მათ ჩვენი ქვეყანა საზარბაზნე ხორცად ჰყავთ მონიშნული, რომლის სათავეში თავიანთი აგენტები უნდა იყვნენ“, – განაცხადა შაქარიშვილმა.
ბრიფინგს ასევე ესწრებოდნენ ლევან ნიკოლეიშვილი, ნანა კაკაბაძე, ბიძინა გიორგობიანი და გელა ნიკოლაიშვილი.
„ერთიანი ნეიტრალური საქართველო“ პარტიად ყალიბდება იმ დროს, როდესაც „ქართული ოცნება“ ყველაზე მსხვილი ოპოზიციური პარტიების – „ერთიანი ნაციონალური მოძრაობის“, „ახალის“ და „ლელო - ძლიერი საქართველოს“ არაკონსტიტუციურად გამოცხადებას აპირებს.
