„საქართველოს ხალხი იმსახურებს დემოკრატიას და არა ავტოკრატიას. მათ ევროპასთან ინტეგრაცია სურთ და არა იზოლაცია. ჩვენ მათ გვერდით ვდგავართ თავისუფლებისთვის ბრძოლაში და მოვუწოდებთ ევროკავშირს, სანქციები დააწესოს მათზე, ვინც ძირს უთხრის კანონის უზენაესობას და ადამიანის უფლებებს საქართველოში“, – ევროპის სახალხო პარტია საქართველოში ბოლო დროს განვითარებულ მოვლენებთან დაკავშირებით განცხადებას ავრცელებს.
ახალი ამბები
მკითხველის რჩეული
- 1 ბანკირის ენერგოპროექტი - გოგნის ქარის ელექტროსადგურისთვის კოლხურ ტყეებს გაჩეხავენ
- 2 „საეჭვო გარემოება ვერ გამოვლინდა“ - შსს 2014 წელს გაუჩინარებული გურამ დადიანიძის საქმეზე
- 3 ნატა ვიბლიანი პროკურატურამ დაზარალებულად ცნო
- 4 თბილისში პატრულ-ინსპექტორი, 37 წლის გოჩა არველაძე გარდაცვლილი იპოვეს
- 5 პუტინმა 2026-2030 წლებში ოკუპირებული აფხაზეთის განვითარების ხელშეწყობის შეთანხმება დაამტკიცა
- 6 აფხაზი ბლოგერი დაურ ბუავა თბილისში გარდაცვლილი იპოვეს
განცხადების მიხედვით, მაშინ, როდესაც ქართველი ხალხი აგრძელებს ბრძოლას თავისი თავისუფლებისა და ევროპული მომავლისთვის, ბიძინა ივანიშვილის „ქართულმა ოცნებამ“, რეჟიმის ოპონენტების წინააღმდეგ მასობრივი რეპრესიებისა და ძალადობის ფონზე, ჩაატარა კიდევ ერთი ყალბი არჩევნები, რომელსაც საქართველოს ისტორიაში ყველაზე დაბალი აქტივობა ჰქონდა და რომელსაც ძირითადი ოპოზიციური პარტიები ბოიკოტს უცხადებდნენ.
„ბოლო დაპატიმრებები და „ქართული ოცნების“ წარმომადგენლების მხრიდან შემდგომი დევნის მუქარა მიზნად ისახავს ხალხის პროტესტის უფლების შეზღუდვას, პროდასავლური ოპოზიციის აღმოფხვრას და საზოგადოებაში სრული შიშის დათესვას.
მოვუწოდებთ „ქართულ ოცნებას“, შეწყვიტოს ძალადობა და რეპრესიები და პატივი სცეს ქართველი ხალხის ევროპულ მისწრაფებებს.
მოვუწოდებთ ევროკავშირს და მის წევრ სახელმწიფოებს, დააწესონ მიზანმიმართული სანქციები ბიძინა ივანიშვილისა და მისი ხელშემწყობი პირების მიმართ, რომლებიც მონაწილეობენ საქართველოში დემოკრატიის, ადამიანის უფლებებისა და კანონის უზენაესობის ძირის გამოთხრაში“, – ვკითხულობთ განცხადებაში.
ევროპის სახალხო პარტია (EPP) ევროკავშირის ყველაზე პოლიტიკური ოჯახია. საქართველოდან მასში გაწევრიანებული არიან ოპოზიციური პარტიები „ერთიანი ნაციონალური მოძრაობა“ და „ევროპული საქართველო“.
