სამთავრობო პროპაგანდისტული ტელეკომპანია „იმედი“ ჟურნალისტმა თამარ შარიქაძემ დატოვა. როგორც ის ამბობს, ხელმძღვანელი მისგან ძალადობის წამახალისებელი სიუჟეტის მომზადებას ითხოვდა.
ახალი ამბები
მკითხველის რჩეული
- 1 ნარკოტიკების ზედოზირებას თბილისში კიდევ 3 ახალგაზრდა ემსხვერპლა
- 2 ვლადიკავკაზში ქორწილის მონაწილეები საქართველოს დროშების გამოყენებისთვის დააპატიმრეს
- 3 ქართველი სამხედრო მფრინავი ზვიად ბექაური დაიღუპა კონგოს დემოკრატიულ რესპუბლიკაში
- 4 პანკისში მალხაზ მაჩალიკაშვილის ავტომობილი დააზიანეს
- 5 „სიკვდილი ამერიკას, სიკვდილი ისრაელს“ - ფონიჭალის მეჩეთმა მოჯთაბა ხამენეის მიმართვა გააზიარა
- 6 მოქალაქე თიანეთის პოლიციას სექსუალური ხასიათის მუქარასა და ძალადობაში ადანაშაულებს
„ჩემი და ტელეკომპანია „იმედის“ თითქმის ხუთწლიანი თანამშრომლობა დასრულდა. ვთვლიდი და ახლაც ვთვლი, რომ ძალადობას არასდროს და არსად წავახალისებ! მე არასდროს ვიქნები ისეთ გადაუმოწმებელ ფაქტებზე ხელმომწერი, რომელიც ძალადობას ახალისებს!
მეტი კონკრეტიკისთვის, ჩემი უშუალო ხელმძღვანელი ჩემგან ითხოვდა ისეთი სიუჟეტის მომზადებას, რომელიც აუცილებლად ძალადობას წაახალისებდა“, - ამბობს ჟურნალისტი.
თამარ შარიქაძე საინფორმაციო გამოშვება „ქრონიკისთვის“ მუშაობდა. მის განცხადებას საინფორმაციო სამსახურის უფროსი ნათია სონღულაშვილი არ გამოხმაურებია.
მაისის დასაწყისში, რუსულ კანონთან დაკავშირებით განვითარებული მოვლენების ფონზე, ტელეკომპანია „იმედი“ დილის გადაცემის სამმა წამყვანმა დატოვა.
