ევროკავშირის უმაღლესმა წარმომადგენელმა საგარეო ურთიერთობა და უსაფრთხოების პოლიტიკის საკითხებში, კაია კალასმა განაცხადა, რომ ქართველი დიპლომატებისთვის ვიზალიბერალიზაციის შეჩერება ახლა წევრმა ქვეყნებმა შიდა წესებში თავად უნდა დანერგონ.
ახალი ამბები
მკითხველის რჩეული
- 1 სტრასბურგის სასამართლომ გელა მთივლიშვილის საქმის არსებითი განხილვა დაიწყო
- 2 სუს-მა ძებნა გამოაცხადა ლილუაშვილის ნათესავსა და ვანში „ოცნების“ დეპუტატზე, ბიჭიკო პაიკიძეზე
- 3 გაგლოევმა „ძალოვნებს“ დაავალა 4 ოქტომბრის არჩევნების წინ ე.წ. საზღვარზე სიტუაცია გააკონტროლონ
- 4 გლდანის ციხის ყოფილი დირექტორი დავით გოგობერიშვილი გარდაცვლილი იპოვეს
- 5 კობახიძე: სასურველი არ არის, მოსწავლემ პირველივე კურსიდან უცხოეთში განაგრძოს სწავლა
- 6 ღარიბაშვილის, ლილუაშვილის და ფარცხალაძის სახლებში ჩხრეკა ჩატარდა
ბრიუსელში, საგარეო საქმეთა მინისტრების შეხვედრის დასრულების შემდეგ გამართულ პრესკონფერენციაზე კალასმა თქვა, რომ ევროკავშირში ყურადღებით აკვირდებიან საქართველოში განვითარებულ მოვლენებს და დიდი შეშფოთებით უყურებენ იმას, რაც ხდება.
„ამიტომ ჩვენ დღეს ამაზეც ვიმსჯელეთ: კიდევ რა შეგვიძლია გავაკეთოთ, რომ საქართველოს მთავრობას გავუგზავნოთ სიგნალები, რომ ეს ევროპული კურსის კუთხით სწორი მიმართულება არ არის. რა თქმა უნდა, არის რაღაცები, რაც შეგვიძლია კიდევ განვიხილოთ.
რაც შეეხება ვიზებს ან ვიზალიბერალიზაციის შეჩერებას, ეს გადაწყვეტილება დღეს იქნა მიღებული. ახლა წევრმა სახელმწიფოებმა ეს თავიანთ შიდა წესებში უნდა დანერგონ. ასე მუშაობს ევროპა ამ კუთხით“, - განაცხადა კაია კალასმა.
27 იანვარს ევროპულმა საბჭომ მიიღო გადაწყვეტილება, ნაწილობრივ შეაჩეროს ევროკავშირსა და საქართველოს შორის ვიზების გაცემის გამარტივების შესახებ 2011 წელს გაფორმებული შეთანხმება, რაც იმას ნიშნავს, რომ ქართველ დიპლომატებსა და ოფიციალურ პირებს ევროკავშირის ქვეყნებში შესვლისთვის ვიზის აღება დასჭირდებათ.
ევროპული საბჭოს განცხადებაში ნათქვამია, რომ შეთანხმების ნაწილობრივ შეჩერების ძალაში შესვლის შემდეგ ევროკავშირის სახელმწიფოებს შეუძლიათ გადაწყვიტონ მიიღონ ეროვნული ზომები დიპლომატიური, სამსახურებრივი/ოფიციალური პასპორტების და სპეციალური პასპორტების მფლობელებისთვის სავიზო მოთხოვნის გამოსაყენებლად.
იმ წევრ ქვეყანაში მოგზაურობისთვის, რომელიც სავიზო მოთხოვნებს აღაგდენს, ქართველი დიპლომატები და ოფიციალური პირები ვეღარ ისარგებლებენ ვერც სავიზო განაცხადის შემცირებული ვადით, დაბალი სავიზო მოსაკრებლით და ნაკლები დამხმარე დოკუმენტის წარდგენის შესაძლებლობით.
„ქართული ოცნების“ საგარეო საქმეთა მინისტრის, მაკა ბოჭორიშვილის შეფასებით, გადაწყვეტილება ტექნიკურია და დააკვირდებიან, რომელი ქვეყანა როგორ აღასრულებს მას.
