ოკუპირებული აფხაზეთის დე ფაქტო ხელისუფლება სირიასთან პირდაპირი საჰაერო და საზღვაო კავშირების დამყარებას განიხილავს. ე.წ. ეკონომიკის მინისტრის, თეიმურაზ მიქვაბიას თქმით, სატრანსპორტო და ლოგისტიკური კავშირების საკითხზე ორივე მხარე მუშაობს.
ახალი ამბები
მკითხველის რჩეული
- 1 სამხარაძე: არაბმა პარტნიორებმა ინვესტიციების წინააღმდეგ კამპანიაზე რეაგირება გვთხოვეს
- 2 აბასთუმნის თავზე ფრენა აიკრძალა - რატომ ჩაკეტა სახელმწიფომ ცა იქ, სადაც ივანიშვილი ცხოვრობს
- 3 უცხოეთში მყოფ წვევამდელებს ჯარში გაწვევისას საქართველოში დაბრუნება მოუწევთ
- 4 საქართველო ევროპაში ბოლო ადგილზეა: პენსია ძირითადი ხარჯების მხოლოდ 22%-ს ფარავს
- 5 მეუფე ისაია უარყოფს, თითქოს კანდიდატურა მოსაყდრე შიოს სასარგებლოდ მოხსნა
- 6 პოლონეთში 5 თვის ჩვილის გარდაცვალების საქმეზე ნუგზარ ქავთარაშვილს ეძებენ
როგორც მიქვაბიამ აღნიშნა, აგვისტოში, დამასკოს ყოველწლიური, 62-ე საერთაშორისო გამოფენის ფარგლებში, „აფხაზეთის დელეგაციის“ წევრები სირიის ეკონომიკისა და ვაჭრობის მინისტრს, კულტურისა და ტურიზმის მინისტრებს შეხვდნენ.
„უკვე ხელი მოვაწერეთ არაერთ შეთანხმებას მთავრობისა და უწყებების დონეზე და ასევე ვმუშაობთ ჩვენს კოლეგებთან სატრანსპორტო და ლოჯისტიკური კავშირების საკითხზე.
მომავალში, ჩვენ აუცილებლად დავაყენებთ საჰაერო მიმოსვლის საკითხს, რადგან დამასკოში აეროპორტი მუშაობს. მგონია, რომ ჩვენს პორტებსა და სირიის პორტებს შორის პირდაპირი საზღვაო მიმოსვლის შესაძლებლობა სასარგებლო იქნებოდა როგორც ჩვენთვის, ასევე სირიული მხარისთვის“, - განაცხადა დე ფაქტო მინისტრმა.
აფხაზეთის და ცხინვალის რეგიონის (ე.წ. სამხრეთ ოსეთის) „დამოუკიდებლობა“ სირიის არაბთა რესპუბლიკამ 2018 წელს აღიარა და მათთან „დიპლომატიური ურთიერთობები“ დაამყარა.
2025 წლის იანვარში, მას შემდეგ, რაც ასადის რეჟიმი დაემხო, ოთხმა ქართულმა ოპოზიციურმა პარტიამ სირიის დროებით პრეზიდენტს, აჰმედ ალ-შარას აღიარების გაუქმების მოთხოვნით მიმართა.
