პოლიტიკური პარტია „ჩვენ“ დამფუძნებლებმა აკია ბარბაქაძემ, დავით ქაცარავამ და კახა გოგიძემ დატოვეს. პარტიის უკვე ყოფილი გენერალური მდივნის, დავით ქაცარავას თქმით, ამ გადაწყვეტილების მიზეზი სხვა წევრებთან აზრთა სხვადასხვაობა გახდა.
ახალი ამბები
მკითხველის რჩეული
- 1 ვლადიკავკაზში ქორწილის მონაწილეები საქართველოს დროშების გამოყენებისთვის დააპატიმრეს
- 2 ქართველი სამხედრო მფრინავი ზვიად ბექაური დაიღუპა კონგოს დემოკრატიულ რესპუბლიკაში
- 3 დამოუკიდებელი მედიების რედაქტორები ელისო კილაძის საქმის განხილვის საჯაროობას ითხოვენ
- 4 „სიკვდილი ამერიკას, სიკვდილი ისრაელს“ - ფონიჭალის მეჩეთმა მოჯთაბა ხამენეის მიმართვა გააზიარა
- 5 მოქალაქე თიანეთის პოლიციას სექსუალური ხასიათის მუქარასა და ძალადობაში ადანაშაულებს
- 6 ძამის ხეობაში კულტურული მემკვიდრეობის ძეგლი, მე-5 საუკუნის ეკლესია დაანგრიეს
„გამომდინარე იქიდან, რომ მიმდინარე პოლიტიკური მოვლენები, წინასაარჩევნო მარათონის ფორმა და მასში ჩვენი პატარა გაერთიანების ჩართულობაზე სტრატეგიული ხედვები და რაც მთავარია, სასურველი მიზნისკენ სწრაფვის ფორმები ვერ და არ დაემთხვა ერთმანეთს, ჩვენ, სამმა პერსონალურად გადავწყვიტეთ, დაგვეტოვებინა პოლიტიკური გაერთიანება „ჩვენ“ და გაგვეგრძელებინა ბრძოლა ავტორიტარული რეჟიმის წინააღმდეგ პარტიის გარეთ“, - დაწერა სოციალურ ქსელში დავით ქაცარავამ. მისი ინფორმაციით, პარტია სხვებმაც დატოვეს.
დავით ქაცარავამ პარტიის შექმნისა და საპარლამენტო არჩევნებში მონაწილეობის მიზნის შესახებ ორი თვის წინ, აგვისტოს ბოლოს განაცხადა, რის შემდეგაც პარტიას „თავისუფალი არჩევანი - ახალი ალტერნატივა“ სახელი შეეცვალა და „ჩვენ“ ეწოდა. მას შეუერთდნენ ანტისაოკუპაციო მოძრაობა „ძალა ერთობაშია“, დეპუტატ ტარიელ ნაკაიძის პოლიტიკური მოძრაობა „რეგიონები საქართველოსთვის“ და „რუსთაველის გზა“.
„ჩვენ“ საპარლამენტო არჩევნებში 23 ნომრით მონაწილეობს. პარტიის წევრებს შორის ასევე არიან ხატია ბაკურაძე, ლაშა ქვლივიძე, გიგიშა პატარიძე, მიხეილ რამიშვილი, ლაშა მგელაძე, ვახტანგ ლოსაბერიძე, ზაზა ხურციძე და სხვები.
