სამოქალაქო აქტივისტების ცნობით, დაკავებულია საპროტესტო აქციების 9 მონაწილე, მათ შორის მარიამ მეყანწიშვილი, სიმონ მახარაძე, დავით ღურწკაია, დავით გიუნაშვილი, გიორგი ტალახაძე, გია თოლორაია, მიხეილ თოლორაია, თემურ ქურციკიძე და კახა კვაჭანტირაძე. შინაგან საქმეთა სამინისტროს განცხადება ჯერ-ჯერობით არ გაუვრცელებია.
ახალი ამბები
მკითხველის რჩეული
- 1 სამხარაძე: არაბმა პარტნიორებმა ინვესტიციების წინააღმდეგ კამპანიაზე რეაგირება გვთხოვეს
- 2 აბასთუმნის თავზე ფრენა აიკრძალა - რატომ ჩაკეტა სახელმწიფომ ცა იქ, სადაც ივანიშვილი ცხოვრობს
- 3 უცხოეთში მყოფ წვევამდელებს ჯარში გაწვევისას საქართველოში დაბრუნება მოუწევთ
- 4 საქართველო ევროპაში ბოლო ადგილზეა: პენსია ძირითადი ხარჯების მხოლოდ 22%-ს ფარავს
- 5 მეუფე ისაია უარყოფს, თითქოს კანდიდატურა მოსაყდრე შიოს სასარგებლოდ მოხსნა
- 6 პოლონეთში 5 თვის ჩვილის გარდაცვალების საქმეზე ნუგზარ ქავთარაშვილს ეძებენ
მარიამ მეყანწიშვილი პროევროპული აქციების აქტიური მონაწილე და 6 წლის ბავშვის დედაა. ის სამი დღის წინ, რუსთაველის გამზირზე მისულ ეუთოს თავმჯდომარეს, ფინეთის საგარეო საქმეთა მინისტრს, ელინა ვალტონენს გაესაუბრა. აქტივისტების და ოჯახის წევრების თქმით, მისი დაკავების რეალური მიზეზი სწორედ ეს არის.
ეროვნულ-განმათავისუფლებელი მოძრაობის Facebook-გვერდზე დავით მახარაძე ამბობს, რომ მისი ბიძაშვილი, სიმონ მახარაძე შინაგან საქმეთა სამინისტროს 70-80 შეიარაღებულმა თანამშრომელმა დილის 7 საათზე, სახლში დააკავა.
„ავტომატებით შემოვარდნენ, ბავშვებს იარაღი დაადეს თავზე. 4 წლის ბავშვს ავტომატი დაადეს თავზე. მე არაო - ბავშვი ამბობდა. იცოდნენ, რომ ბავშვები იყვნენ სახლში და ამხელა სპეცოპერაცია ჩაატარა შინაგან საქმეთა სამინისტრომ“, - ამბობს დავით მახარაძე.
გამთენიისას, მცირეწლოვანი შვილის თანდასწრებით დააკავეს დავით ღურწკაიაც. როგორც მისი მეუღლე თამარ ჭითანავა ამბობს, დაკავება, სავარაუდოდ, 4 ოქტომბრის საქმეს უკავშირდება.
4 ოქტომბრის მოვლენებთან დაკავშირებით, დღემდე 46 ადამიანი იყო დაკავებული.
