სახელმწიფო უსაფრთხოების სამსახური ადასტურებს, რომ 50 წლამდე მამაკაცი, რომელიც პირველ ოქტომბერს ჩაქვში გარდაცვლილი იპოვეს, უწყების თანამშრომელია. მას ჭრილობა ცეცხლსასროლი იარაღიდან გასროლით აქვს მიყენებული.
ახალი ამბები
როგორც სუს-ის პრესსამსახურში განაცხადეს, ამ ეტაპზე გამოძიება მხოლოდ ერთ, თვითმკვლელობის ვერსიაზე მუშაობს.
„ამას ადასტურებს სხვადასხვა მტკიცებულება. სხვა დეტალების დაზუსტებისგან თავს შევიკავებთ გამოძიებისა და ოჯახის ინტერესებიდან გამომდინარე“, - განაცხადეს სუს-ში.
ტელეკომპანია „პირველის“ ინფორმაციით, შემთხვევის ადგილზე წერილია ნაპოვნი.
შინაგან საქმეთა სამინისტრო საქმეს სისხლის სამართლის კოდექსის 115-ე მუხლით იძიებს, რაც თვითმკვლელობამდე მიყვანას გულისხმობს.
საქართველოს ამბები
დამოუკიდებელი, საზოგადოებრივ-პოლიტიკური ონლაინგამოცემა. ვებგვერდს მართავს შპს საქართველოს ამბები.
