ოკუპირებული აფხაზეთის ე.წ. საგარეო საქმეთა მინისტრის მოადგილემ, ოდისეი ბიგვავამ განაცხადა, რომ საქართველოს ნატო-სთან დაახლოებაა აფხაზეთში რუსეთის სამხედრო ყოფნის ერთ-ერთი მიზეზი.
ახალი ამბები
მკითხველის რჩეული
- 1 სუს-მა მცხეთა-მთიანეთის გუბერნატორის მოადგილე ქრთამის აღების ბრალდებით დააკავა
- 2 „რესი“: თბილისმა აღაიარა ის, რასაც სამხრეთ ოსეთსა და რუსეთში ამდენი წელი ელოდნენ
- 3 რუსეთი კვლავ უკრაინის „დემილიტარიზაციას“ და ნეიტრალურ სტატუსს ითხოვს
- 4 კიევზე რუსეთის მასირებული შეტევის შედეგად დაღუპულთა რიცხვი 18-მდე გაიზარდა
- 5 1920 წელს რუსეთის არმია შემოიჭრა და აზერბაიჯანი დაიპყრო, სახელმწიფო წაგვართვეს – ალიევი
- 6 სომხეთში რუსეთის მიერ ძებნილი საქართველოს მოქალაქე დააკავეს
„რუსეთის ფედერაცია წარმოადგენს აფხაზეთის უსაფრთხოების გარანტს სახელმწიფოთაშორისი ხელშეკრულებების საფუძველზე, რაც საერთაშორისო სამართალთან შესაბამისობაშია. რუსეთის სამხედრო ყოფნა აფხაზეთში არის პასუხი საქართველოს აგრესიულ პოლიტიკასა და ნატო-სთან დაახლოებაზე“, - განაცხადა ე.წ. საგარეო საქმეთა მინისტრის მოადგილემ.
ოდისეი ბიგვავა გამოეხმაურა ატომური ენერგიის საერთაშორისო სააგენტოს 69-ე გენერალურ კონფერენციაზე საქართველოს საგარეო საქმეთა მინისტრის, ლაშა დარსალიას განცხადებას, რომლის მიხედვითაც, რუსეთის მიერ ოკუპირებულ აფხაზეთსა და ცხინვალის რეგიონში არსებული ვითარება ბირთვული უსაფრთხოებისთვის მნიშვნელოვანი გამოწვევაა. ბიგვავას თქმით, დარსალიას განცხადებები „შეთხზული“ და „არასწორია“.
„ასეთი განცხადებები დაუსაბუთებელია და წარმოადგენს საინფორმაციო კამპანიის ნაწილს, რომელიც მიზნად ისახავს აფხაზეთისა და რუსეთის დისკრედიტაციას“, - აღნიშნა მან.
ბიგვავას თქმით, აფხაზეთი „უკიდურესად დაინტერესებულია“ სამხრეთ კავკასიის რეგიონის სტაბილურობით და მზადაა „საერთაშორისო თანამშრომლობისთვის, მაგრამ მხოლოდ მისი სუვერენიტეტის აღიარების შემდეგ“.
„აფხაზეთი ყოველთვის მზადაა საქართველოსთან კონსტრუქციული დიალოგისთვის, მაგრამ მხოლოდ ურთიერთაღიარებისა და თანასწორობის საფუძველზე. კავკასიაში მშვიდობა შეუძლებელია აფხაზეთს, სამხრეთ ოსეთსა და საქართველოს შორის, რუსეთის შუამავლობით, პირდაპირი მოლაპარაკებების გარეშე და აფხაზეთის, სამხრეთ ოსეთისა და რუსეთის ინტერესების გათვალისწინების გარეშე“, - განაცხადა ოდისეი ბიგვავამ.
