საზღვრებთან ვითარების გამწვავების მიზეზით, ბელარუსში მაღალი ტერორისტული საფრთხის რეჟიმი შემოიღეს. ეს ბელარუსის სამართალდამცავ ორგანოებს ფართო უფლებამოსილებას ანიჭებს, მათ შორის, ადამიანების დაკავების, გადაადგილების აკრძალვის და ყველა კომუნიკაციის მოსმენის.
ახალი ამბები
მკითხველის რჩეული
- 1 სტრასბურგის სასამართლომ გელა მთივლიშვილის საქმის არსებითი განხილვა დაიწყო
- 2 დიდმა ბრიტანეთმა ლევან ვასაძე და ოთარ ფარცხალაძე დაასანქცირა
- 3 გაგლოევმა „ძალოვნებს“ დაავალა 4 ოქტომბრის არჩევნების წინ ე.წ. საზღვარზე სიტუაცია გააკონტროლონ
- 4 სუს-მა ძებნა გამოაცხადა ლილუაშვილის ნათესავსა და ვანში „ოცნების“ დეპუტატზე, ბიჭიკო პაიკიძეზე
- 5 გოცირიძე: ამ მასშტაბის ფულის გათეთრება ვერ ხერხდება ხელისუფლების მფარველობის გარეშე
- 6 რუსთავის ქარხნებთან მტვერში ტყვია, კადმიუმი და ქრომი ნორმაზე 24-ჯერ, 26-ჯერ და 30-ჯერ მეტია – კვლევა
პრეზიდენტმა ალექსანდრ ლუკაშენკომ ყაზახეთის დედაქალაქში, დსთ-ის ქვეყნების სამიტზე, ჟურნალისტებთან განაცხადა, რომ მაღალი ტერორისტული საფრთხის რეჟიმის შემოღებას რუსეთსა და ბელარუსს შორის გაფორმებული დოკუმენტები ითვალისწინებს.
„ეს უკვე დიდი ხანია გაწერილია: გამწვავებასთან დაკავშირებით ვაწესებთ მაღალი ტერორისტული საფრთხის რეჟიმს. ამიტომ პროცედურები დავიწყეთ მოკავშირე ჯარების განლაგებით, რომლის საფუძველია, როგორც ვთქვი, ბელარუსის არმია, რომელსაც უკვე ავსებენ რუსეთის ფედერაციის ქვედანაყოფები. ყველაფერი გეგმის შესაბამისად მიდის“, - განაცხადა ლუკაშენკომ.
რამდენიმე დღის წინ ალექსანდრ ლუკაშენკომ თქვა, რომ ის და რუსეთის პრეზიდენტი ვლადიმერ პუტინი ბელარუსში ჯარების ერთობლივი რეგიონული ჯგუფების განლაგებაზე შეთანხმდნენ. გარდა ამისა, ლუკაშენკომ განაცხადა, რომ „უკრაინაში არა მხოლოდ მსჯელობენ, არამედ გეგმავენ ბელარუსის ტერიტორიაზე დარტყმებს“. უკრაინის საგარეო საქმეთა სამინისტრომ ამ ბრალდებას „ბელარუსის რეჟიმის ინსინუაციები“ უწოდა და აღნიშნა, რომ უკრაინა არასდროს არ დასხმია თავს უცხო ტერიტორიებს, ის იცავს საერთაშორისო სამართლის ნორმებსა და პრიცნიპებს.
უკრაინის წინააღმდეგ ომში ბელარუსი რუსეთის მოკავშირეა. ალექსანდრ ლუკაშენკომ მხოლოდ 4 ოქტომბერს დაადასტურა ომში მისი ქვეყნის მონაწილეობა, თუმცა თქვა, რომ იქ არავის კლავენ: „ჩვენ სამხედროებს არსად არ ვგზავნით. ჩვენს ვალდებულებებს არ ვარღვევთ. რუსეთს ზურგში ბელარუსის ტერიტორიიდან ვერავინ ესვრის. აი, ჩვენი მონაწილეობა“, - განაცხადა მან.
