წალკის მუნიციპალიტეტის სოფელ ბედიანში 53 წლის ქალის მკვლელობაში ბედიანის ფსიქიატრიული კლინიკის დირექტორის მოადგილე ვოსკან ვოსკანიანია ბრალდებული. მკვლელობა 29 ნოემბერს ღამით მოხდა. ვოსკანიანს სასამართლომ პატიმრობა შეუფარდა.
ახალი ამბები
მკითხველის რჩეული
- 1 რა მოხდა თელავის სასტუმროში, სადაც რუსეთის მოქალაქის ცემის ბრალდებით მამაკაცი დააკავეს
- 2 საპატრულო პოლიციამ შშმ პირს მანქანაში ჩააფსმევინა, შსს-ს 10 ათასის გადახდა დაეკისრა
- 3 გაუპატიურება, წამება და დაკარგული ჩვილი - ნატა ვიბლიანის საქმეზე გამოძიება დაიწყო
- 4 283 ქოთანი და 7 კგ გამომშრალი მარიხუანა - დიზაინერ რატი რატიანს 15 წელი მიუსაჯეს
- 5 დამოუკიდებელი მედიების რედაქტორები ელისო კილაძის საქმის განხილვის საჯაროობას ითხოვენ
- 6 სოხუმი მასშტაბური ენერგოკოლაფსის მიზეზად ენგურჰესზე მომხდარ ავარიას ასახელებს
შინაგან საქმეთა სამინისტროს ინფორმაციით, გამოძიებით დადგინდა, რომ ბრალდებულმა ურთიერთშელაპარაკების ნიადაგზე, ნაჯახით თანასოფლელ ქალს სასიკვდილო დაზიანება მიაყენა და შემთხვევის ადგილიდან მიიმალა. მოკლული ქალი ბედიანის ფსიქიატრიულ კლინიკაში მომვლელად მუშაობდა, საიდანაც ის რამდენიმე თვის წინ გაათავისუფლეს.
ბრალდებული თავს დამნაშავედ არ ცნობს. „ჩვენების მიცემის დროს მან გამომძიებელს უამბო, რომ ქალი მკვლელობამდე ორჯერ დაუკავშირდა ტელეფონით და შეხვედრა სთხოვა. ადგილზე მისულს ქალი ნაჯახით დახვდა, მოუქნია და სხეულზე როცა მოხვდა, ამ დროს ნაჯახი წაართვა და ორჯერ ჩაარტყა. შემდეგ ის შეშინებული იყო და სახლში წავიდა. არსად დამალულა. პოლიციამ სახლში დააკავა“, - განაცხადა ბრალდებულის ადვოკატმა.
პოლიციამ ვოსკან ვოსკანიანი მკვლელობიდან რამდენიმე საათში დააკავა. შსს-ს ცნობით, დანაშაულის ჩადენის იარაღი ნივთმტკიცებად ამოიღეს. ბრალის დამტკიცების შემთხვევაში ვოსკანიანს 10-დან 15 წლამდე პატიმრობა ემუქრება.
განზრახ მკვლელობის ფაქტზე გამოძიება საქართველოს სისხლის სამართლის კოდექსის 108-ე მუხლით მიმდინარეობს.
გასულ წელს საქართველოში 25 ქალი მოკლეს.
