ბათუმის შოთა რუსთაველის სახელმწიფო უნივერსიტეტში (ბსუ) სტუდენტების ჯგუფი საპარლამენტო არჩევნების გაყალბებას აპროტესტებს. ისინი ღამეს უნივერსიტეტის შენობაში ათევენ, აცხადებენ, რომ უკან არ დაიხევენ და სხვა სტუდენტებსაც მოუწოდებენ, პროტესტს შეუერთდნენ.
ახალი ამბები
მკითხველის რჩეული
- 1 ვლადიკავკაზში ქორწილის მონაწილეები საქართველოს დროშების გამოყენებისთვის დააპატიმრეს
- 2 ქართველი სამხედრო მფრინავი ზვიად ბექაური დაიღუპა კონგოს დემოკრატიულ რესპუბლიკაში
- 3 დამოუკიდებელი მედიების რედაქტორები ელისო კილაძის საქმის განხილვის საჯაროობას ითხოვენ
- 4 „სიკვდილი ამერიკას, სიკვდილი ისრაელს“ - ფონიჭალის მეჩეთმა მოჯთაბა ხამენეის მიმართვა გააზიარა
- 5 მოქალაქე თიანეთის პოლიციას სექსუალური ხასიათის მუქარასა და ძალადობაში ადანაშაულებს
- 6 ძამის ხეობაში კულტურული მემკვიდრეობის ძეგლი, მე-5 საუკუნის ეკლესია დაანგრიეს
14 ნოემბერს, ბსუ-ს სტუდენტებმა ახალგაზრდული მოძრაობა „გუშაგები“ დააფუძნეს. როგორც ერთ-ერთმა მათგანმა, მათე ცენტერაძემ თქვა, ქალაქში მთავარი და ისტორიული პროცესები ყოველთვის ბათუმის სახელმწიფო უნივერსიტეტიდან იწყებოდა.
„მინდა, მივმართო ყველა სტუდენტს, რომელიც დღეს ჩვენთან ერთად არ დგას, შემოგვიერთდეს სამომავლოდ ამ დიდ ბრძოლაში, რომელსაც ვიწყებთ დღეს უნივერსიტეტიდან და სამომავლოდ გავაგრძელებთ ქალაქის ქუჩებში. ყველგან ვიქნებით, სადაც საქართველოს ბედი წყდება. დღეიდან ჩვენ ვიქნებით ჩვენი ქვეყნის გუშაგები, ჩვენი ხმების გუშაგები, ჩვენი თავისუფლების გუშაგები, ჩვენი ევროპული მომავლის გუშაგები და არ გავჩერდებით მანამ, სანამ არ მივაღწევთ საერთო მიზანს“, - განაცხადა მათე ცენტრიძემ უნივერსიტეტის ფოიეში გამართულ ბრიფინგზე.
სტუდენტების ჯგუფი აპროტესტებს იმასაც, რომ უნივერსიტეტის ადმინისტრაცია „ქართულ ოცნების“ წინასაარჩევნო კამპანიაში მონაწილეობდა და „ღიად იყო ჩართული“ არჩევნების გაყალბებაში.
ბათუმელ სტუდენტებს სოლიდარობა გამოუცხადეს საქართველოს საზოგადოებრივ საქმეთა უნივერსიტეტის (ჯიპა) და ილიას სახელმწიფო უნივერსიტეტი (ილიაუნი) სტუდენტურმა მოძრაობებმა.
