აზერბაიჯანის პრეზიდენტმა, ილჰამ ალიევმა ხელი მოაწერა ბრძანებას, რომლის მიხედვითაც უკრაინისთვის ჰუმანიტარული დახმარების გაწევის მიზნით ქვეყნის ენერგეტიკის სამინისტროსთვის 2 მილიონი დოლარი გამოიყოფა.
ახალი ამბები
მკითხველის რჩეული
- 1 „რეპრესიები რეორგანიზაციის სახელით“ - თელავის უნივერსიტეტიდან 5 პროფესორი გაათავისუფლეს
- 2 თავდაცვის ყოფილი მინისტრის მოადგილე და ნათესავი დააკავეს 1.3 მლნ-ის გაფლანგვის ბრალდებით
- 3 თეა წულუკიანი ნანუკა ჟორჟოლიანს ცილისწამებისთვის სასამართლოში უჩივის
- 4 ნათესავებმა თბილისში იპოვეს ჩეჩნეთიდან ოჯახში ძალადობას გამოქცეული ქალი და მისი წაყვანა სცადეს
- 5 სტრასბურგის სასამართლომ გამოაქვეყნა კითხვები მზია ამაღლობელის საქმეზე
- 6 რუსეთი ალეკო ელისაშვილს დაუსწრებლად ასამართლებს უკრაინაში ბრძოლისთვის
დოკუმენტის თანახმად, თანხები განკუთვნილია აზერბაიჯანში წარმოებული ელექტრომოწყობილობების შეძენისა და უკრაინაში ჰუმანიტარული დახმარების სახით გაგზავნისთვის.
10 აგვისტოს, ალიევსა და უკრაინის პრეზიდენტ ვოლოდიმირ ზელენსკის შორის სატელეფონო საუბარი შედგა. ოფიციალური ინფორმაციით, მათ დაგმეს რუსეთის თავდასხმები უკრაინაში აზერბაიჯანული SOCAR-ის საკუთრებაში არსებულ ნავთობსაცავზე, ასევე სხვა ობიექტებზე, მათ შორის უკრაინაში აზერბაიჯანული გაზის ტრანსპორტირების კომპრესორულ სადგურზე. აზერბაიჯანის პრეზიდენტის პრესსამსახურის ინფორმაციით, მხარეებმა გამოთქვეს რწმენა, რომ „ეს არანაირ გარემოებებში არ გამოიწვევს აზერბაიჯანსა და უკრაინას შორის ენერგეტიკის სექტორში თანამშრომლობის შეჩერებას“.
ამასთან, აზერბაიჯანულ მედიაში ვრცელდება ინფორმაცია, რომ აზერბაიჯანმა შესაძლოა განიხილოს უკრაინისთვის იარაღის მიწოდებაზე დაწესებული ემბარგოს მოხსნა, თუ რუსეთი გააგრძელებს უკრაინის გაზის ინფრასტრუქტურაზე თავდასხმას.
ივლისის შუა რიცხვებში, როდესაც ილჰამ ალიევს ჰკითხეს, რა რჩევას მისცემდა უკრაინას, მან უპასუხა: „არასოდეს დათანხმდეთ ოკუპაციას“.
რუსეთის პრეზიდენტის პრესმდივანმა, დმიტრი პესკოვმა თქვა, რომ მოსკოვი არ ეთანხმება ბაქოს პოზიციას უკრაინაში კონფლიქტთან დაკავშირებით, თუმცა იმედოვნებს, რომ ამ საკითხზე უთანხმოება არ გახდება დაბრკოლება რუსეთსა და აზერბაიჯანს შორის ურთიერთობების გაციების პერიოდის დასასრულებლად.
