ამერიკის შეერთებული შტატების სახელმწიფო დეპარტამენტის სპიკერის, მეთიუ მილერის თქმით, აშშ-საქართველოს შორის ორმხრივი თანამშრომლობის ყოვლისმომცველი გადახედვის შესახებ განცხადება მხოლოდ რიტორიკა არ არის.
ახალი ამბები
მკითხველის რჩეული
- 1 „რეპრესიები რეორგანიზაციის სახელით“ - თელავის უნივერსიტეტიდან 5 პროფესორი გაათავისუფლეს
- 2 თავდაცვის ყოფილი მინისტრის მოადგილე და ნათესავი დააკავეს 1.3 მლნ-ის გაფლანგვის ბრალდებით
- 3 თეა წულუკიანი ნანუკა ჟორჟოლიანს ცილისწამებისთვის სასამართლოში უჩივის
- 4 ნათესავებმა თბილისში იპოვეს ჩეჩნეთიდან ოჯახში ძალადობას გამოქცეული ქალი და მისი წაყვანა სცადეს
- 5 სტრასბურგის სასამართლომ გამოაქვეყნა კითხვები მზია ამაღლობელის საქმეზე
- 6 ახობაძის ადვოკატი: ექსპერტმა დაადასტურა, რომ ნარკოტიკის შესაფუთ მასალაზე გადატანილი იყო ნერწყვი
„აქ რეალური სერიოზული პოლიტიკური შედეგებია და არა მხოლოდ რიტორიკა. საუბარია იმ დახმარების ოდენობაზე, რომელსაც ჩვენ საქართველოს ვუწევთ - ბოლო რამდენიმე წლის განმავლობაში ბიუჯეტში დაახლოებით 390 მილიონი დოლარი იყო გათვალისწინებული, რაც ახლა განხილვის პროცესშია.
საუბარია პოტენციურ სანქციებზე, სავიზო შეზღუდვებზე, რომლებიც ორ კვირაზე ნაკლები ხნის წინ პოლიტიკად გამოვაცხადეთ, რომელსაც ამჟამად ვიკვლევთ, როგორ და როდის განვახორციელოთ. ამ საკითხთან დაკავშირებით ჩვენგან უფრო მეტს გაიგებთ“, - თქვა მილერმა 5 ივნისის ბრიფინგზე.
აშშ-მა საქართველოსთან ურთიერთობის გადახედვა ორი კვირის წინ, ე.წ. „უცხოეთის აგენტების“ კანონის მიღების გამო დაიწყო. სახელმწიფო მდივანმა ენტონი ბლინკენმა საქართველოსთვის სავიზო შეზღუდვის ახალი პოლიტიკა დააწესა, რომლის მიხედვითაც აშშ-ის ვიზების მიღებისა და შეერთებულ შტატებში გამგზავრების საშუალება აღარ მიეცემათ იმ პირებს - ამჟამინდელ თუ ყოფილ სახელმწიფო თუ არასახელმწიფო აქტორებს, ვინც პასუხისმგებელნი არიან ან თანამონაწილეობენ საქართველოში დემოკრატიისთვის ძირის გამოთხრაში. სავიზო შეზღუდვები მათ ოჯახის წევრებზეც გავრცელდება. „ქართულმა ოცნებამ“ ეს გადაწყვეტილება შანტაჟად შეაფასა და აშშ საქართველოს დამოუკიდებლობისა და სუვერენიტეტის შეზღუდვის „უხეშ მცდელობაში“ დაადანაშაულა.
რუსული კანონის მიღების საპასუხო ზომებს განიხილავს ევროკავშირიც. წევრი სახელმწიფოები სხვადასხვა ვარიანტზე მსჯელობენ, მათ შორის, ვიზალიბერალიზაციის შეჩერებასა და ფინანსური დახმარების გადახედვაზეც. როგორც ელჩმა პაველ ჰერჩინსკიმ განაცხადა, ევროკავშირი საქართველოს მხარდასაჭერად ყოველ წელს დაახლობით 100 მილიონ ევროს ხარჯავს.
