ამერიკის შეერთებული შტატების სახელმწიფო დეპარტამენტმა სავიზო შეზღუდვები დაუწესა საქართველოს დაახლოებით 20 მოქალაქეს, მათ შორის პირებს, რომლებიც მსახურობენ მთავრობაში მინისტრებად და პარლამენტში, სამართალდამცავი და უსაფრთხოების სამსახურების წარმომადგენლებს, ასევე კერძო პირებს.
ახალი ამბები
მკითხველის რჩეული
- 1 თავდაცვის ყოფილი მინისტრის მოადგილე და ნათესავი დააკავეს 1.3 მლნ-ის გაფლანგვის ბრალდებით
- 2 სტრასბურგის სასამართლომ გამოაქვეყნა კითხვები მზია ამაღლობელის საქმეზე
- 3 რუსეთი ალეკო ელისაშვილს დაუსწრებლად ასამართლებს უკრაინაში ბრძოლისთვის
- 4 „ოცნების“ ყოფილი დეპუტატი ლუკა კურტანიძე ყოფილ ცოლზე ძალადობის შემდეგ დააკავეს
- 5 ოკუპირებულ აფხაზეთში საქართველოს მოქალაქე დააკავეს და რუსეთს გადასცეს
- 6 სააკაშვილი: აპირებენ ხაბეიშვილის დადანაშაულებას შეიარაღებული გადატრიალების მცდელობაში
დეპარტამენტმა სავიზო შეზღუდვის პოლიტიკის ფარგლებში მიღებული ახალი გადაწყვეტილება 12 დეკემბერს გამოაცხადა. იგი კრძალავს აშშ-ის ვიზის გაცემას იმ პირებზე, ვისაც ეკისრებათ პასუხისმგებლობა საქართველოში დემოკრატიისთვის ძირის გამოთხრაზე ან მასში თანამონაწილეობაზე.
„შეერთებული შტატები მკაცრად გმობს „ქართული ოცნების“ მიმდინარე, სასტიკ და გაუმართლებელ ძალადობას საქართველოს მოქალაქეების, მათ შორის მომიტინგეების, მედიის, უფლებადამცველების და ოპოზიციის წევრების მიმართ. „ქართულმა ოცნებამ“ გადაუხვია საქართველოს ევროატლანტიკურ მომავალს, რომელიც ქართველ ხალხს უზომოდ სურს და რასაც საქართველოს კონსტიტუცია ითვალისწინებს.
ჩვენ მზად ვართ უზრუნველვყოთ, რომ მაღალი თანამდებობის პირები, რომლებიც პასუხისმგებელნი არიან ან თანამონაწილეობენ დემოკრატიისთვის ძირის გამოთხრაში, დაექვემდებარებიან სავიზო შეზღუდვებს. ჩვენ ვამზადებთ დამატებით ზომებს, მათ შორის სანქციებს, რათა პასუხისგებაში მივცეთ ისინი, ვინც ძირს უთხრიან დემოკრატიას საქართველოში“, - ნათქვამია სახელმწიფო დეპარტამენტის მიერ გავრცელებულ განცხადებაში.
სახელმწიფო დეპარტამენტი აღნიშნავს, რომ აშშ-ის, ქართველ ხალხთან ერთად, სურს იხილოს ძლიერი, აყვავებული და დემოკრატიული საქართველო, მტკიცედ ინტეგრირებული ევროატლანტიკურ საზოგადოებაში.
აშშ-ს შეზღუდვები „ქართულ ოცნებასთან“ დაკავშირებული 100-ზე მეტ პირის და მათი ოჯახის წევრების მიმართ აქვს დაწესებული.
