აშშ-ის სენატმა საქართველოში ელჩის თანამდებობაზე მხარი დაუჭირა რობინ დანიგენის დანიშვნას. ის კელი დეგნანს შეცვლის, რომელიც უფლებამოსილებას 2020 წლიდან ახორციელებს.
ახალი ამბები
მკითხველის რჩეული
- 1 საპატრულო პოლიციამ შშმ პირს მანქანაში ჩააფსმევინა, შსს-ს 10 ათასის გადახდა დაეკისრა
- 2 283 ქოთანი და 7 კგ გამომშრალი მარიხუანა - დიზაინერ რატი რატიანს 15 წელი მიუსაჯეს
- 3 ბანკირის ენერგოპროექტი - გოგნის ქარის ელექტროსადგურისთვის კოლხურ ტყეებს გაჩეხავენ
- 4 სოხუმი მასშტაბური ენერგოკოლაფსის მიზეზად ენგურჰესზე მომხდარ ავარიას ასახელებს
- 5 ნატა ვიბლიანის გაუპატიურების ერთი ეპიზოდი მამის საფლავზე მოხდა - ადვოკატი
- 6 „საეჭვო გარემოება ვერ გამოვლინდა“ - შსს 2014 წელს გაუჩინარებული გურამ დადიანიძის საქმეზე
ელჩად დამტკიცებამდე დანიგენი აშშ-ის სახელმწიფო დეპარტამენტის ევროპისა და ევრაზიის საქმეთა ბიუროში სახელმწიფო მდივნის თანაშემწის მოადგილის თანამდებობას იკავებდა.
მანამდე ის ავსტრიის საელჩოში საქმეთა დროებითი რწმუნებული და მისიის უფროსის მოადგილე იყო.
სხვადასხვა დროს იკავებდა ენერგორესურსების ბიუროს მდივნის თანაშემწის მოადგილის თანამდებობას და მუშაობდა აშშ-ის საელჩოებში ვიეტნამში, ჩილეში, თურქეთში, კუბასა და ელ-სალვადორში.
რობინ დანიგენი კალიფორნიიდანაა. „ომის ეროვნულ კოლეჯში“ მიღებული აქვს მეცნიერებათა მაგისტრის ხარისხი. გარდა ამისა, ფლობს მეცნიერების მაგისტრის ხარისხს ჯორჯთაუნის უნივერსიტეტიდან და მეცნიერების ბაკალავრის ხარისხს ბერკლის კალიფორნიის უნივერსიტეტიდან. ფლობს ინგლისურ, ესპანურ და გერმანულ ენებს.
აშშ-ის პრეზიდენტმა, ჯო ბაიდენმა, საქართველოში აშშ-ის საგანგებო და სრულუფლებიანი ელჩის თანამდებობაზე რობინ დანიგენის კანდიდატურა 13 თებერვალს წარადგინა.
სენატში მოსმენისას, დანიგენმა განაცხადა, რომ ფოკუსირებული იქნება ოთხ პრიორიტეტზე, მათ შორის, საქართველოს ევროინტეგრაციასა და საქართველო-ამერიკას შორის ეკონომიკური ურთიერთობების გაღრმავებაზე.
