აშშ-ის ფედერალურმა სასამართლომ დონალდ ტრამპის ადმინისტრაციის გადაწყვეტილება გააუქმა, რომლითაც იანვარში საქართველოსა და კიდევ 74 ქვეყნის მოქალაქეებისთვის აშშ-ის საიმიგრაციო ვიზების გაცემა აიკრძალა.
ახალი ამბები
მკითხველის რჩეული
- 1 საპატრულო პოლიციამ შშმ პირს მანქანაში ჩააფსმევინა, შსს-ს 10 ათასის გადახდა დაეკისრა
- 2 283 ქოთანი და 7 კგ გამომშრალი მარიხუანა - დიზაინერ რატი რატიანს 15 წელი მიუსაჯეს
- 3 ბანკირის ენერგოპროექტი - გოგნის ქარის ელექტროსადგურისთვის კოლხურ ტყეებს გაჩეხავენ
- 4 სოხუმი მასშტაბური ენერგოკოლაფსის მიზეზად ენგურჰესზე მომხდარ ავარიას ასახელებს
- 5 „საეჭვო გარემოება ვერ გამოვლინდა“ - შსს 2014 წელს გაუჩინარებული გურამ დადიანიძის საქმეზე
- 6 სამტრედიაში მშენებლობაზე 21 წლის დავით კიკვაძე დაიღუპა, ქუთაისში 30 წლის გივიკო გურეშიძე
მოსამართლე ჯენეტ ვარგასმა მიიჩნია, რომ პოლიტიკა, რომელიც სახელმწიფო დეპარტამენტმა იანვარში გამოაცხადა, იყო „აშკარად უკანონო“ და ეწინააღმდეგებოდა ფედერალურ საიმიგრაციო კანონმდებლობას.
„პოლიტიკა, რომელიც აპლიკანტის ეროვნებაზე დაყრდნობით კატეგორიულად კრძალავს იმიგრანტთა ვიზების გაცემას, წარმოადგენს ამ საკანონმდებლო სქემის პირდაპირ უარყოფას“, - წერს მოსამართლე.
შეზღუდვა, რომელიც ძალაში მიმდინარე წლის 21 იანვრიდან შევიდა, აშშ-ის სახელმწიფო დეპარტამენტის განცხადებით, „საზოგადოებრივი სარგებლის გამოყენების“ მაღალ რისკს უკავშირდებოდა. უწყების მტკიცებით, პრეზიდენტმა ტრამპმა მკაფიოდ აღნიშნა, რომ იმიგრანტები უნდა იყვნენ ფინანსურად თვითკმარნი და არ უნდა წარმოადგენდნენ ტვირთს ამერიკელი გადასახადის გადამხდელებისთვის.
შეზღუდვა შეეხო როგორც საქართველოს, ისე რეგიონის სხვა ქვეყნებს, მათ შორის სომხეთს, აზერბაიჯანსა და რუსეთს. მოსამართლე ვარგასის გადაწყვეტილება აუქმებს ყველა იმ ვიზაზე უარს, რომელიც მხოლოდ ამ პოლიტიკას ეფუძნებოდა.
ტრამპის ადმინისტრაციას აღნიშნული სასამართლო გადაწყვეტილების გასაჩივრება სააპელაციო ინსტანციაში შეუძლია.
საიმიგრაციო ვიზა განკუთვნილია მათთვის, ვისაც შეერთებულ შტატებში მუდმივად ცხოვრება და მუშაობა სურს. ასეთი ვიზის მიღების ძირითადი გზებია: ოჯახის წევრებთან გაერთიანება, ქორწინება, შვილად აყვანა ან „მწვანე ბარათის“ (Green Card) გათამაშებაში გამარჯვება.
