ოკუპირებული აფხაზეთის ე.წ. უზენაესმა სასამართლომ დამნაშავედ ცნო „საქართველოს სასარგებლოდ ჯაშუშობისთვის“ დაკავებული კახა მურადოვი.
ახალი ამბები
მკითხველის რჩეული
- 1 ვლადიკავკაზში ქორწილის მონაწილეები საქართველოს დროშების გამოყენებისთვის დააპატიმრეს
- 2 ქართველი სამხედრო მფრინავი ზვიად ბექაური დაიღუპა კონგოს დემოკრატიულ რესპუბლიკაში
- 3 დამოუკიდებელი მედიების რედაქტორები ელისო კილაძის საქმის განხილვის საჯაროობას ითხოვენ
- 4 გაუპატიურება, წამება და დაკარგული ჩვილი - ნატა ვიბლიანის საქმეზე გამოძიება დაიწყო
- 5 „სიკვდილი ამერიკას, სიკვდილი ისრაელს“ - ფონიჭალის მეჩეთმა მოჯთაბა ხამენეის მიმართვა გააზიარა
- 6 მძღოლს, რომელმაც გორში ავარიით დედა-შვილი იმსხვერპლა, 225 ვიდეოჯარიმა ჰქონდა
საქმის მასალების მიხედვით, მურადოვმა შეაგროვა ინფორმაცია, რომელიც „მტრის სადაზვერვო სამსახურებს აფხაზეთის რესპუბლიკის უსაფრთხოების საზიანოდ“ გადასცა.
„მას ასევე ჰქონდა კონტაქტები საქართველოს სახელმწიფო საბჭოს ე.წ გაგრის ბატალიონის ყოფილ მეთაურებთან, რადიკალური ნაციონალისტური დაჯგუფება „მხედრიონის“ წევრებთან, ასევე უკრაინის შეიარაღებული ძალების მხარეს სამხედრო ოპერაციებში მონაწილე ქართული ლეგიონის დაქირავებულებთან“, - ნათქვამია ე.წ. პროკურატურის განცხადებაში.
48 წლის მურადოვი დე ფაქტო აფხაზეთის სახელმწიფო უსაფრთხოების სამსახურის თანამშრომლებმა 2024 წლის 24 აპრილს, ქალაქ გაგრაში დააკავეს. მაშინ გავრცელებული ინფორმაციის მიხედვით, მას საქართველოს მოქალაქეობის პასპორტიც ჰქონდა, რომელსაც ის საქართველოში ნათესავებთან მალავდა.
სასამართლომ კახა მურადოვი დამნაშავედ ცნო ე.წ. აფხაზეთის სისხლის სამართლის კოდექსის 273-ე (სახელმწიფო ღალატი) და 217-ე (იარაღის უკანონო ტარება) მუხლებით. ის დანაშაულს არ აღიარებს.
მურადოვის წინააღმდეგ გამოტანილ „გამამტყუნებელ განაჩენზე“ საქართველოს ხელისუფლებას კომენტარი არ გაუკეთებია.
