ოპოზიციის ლიდერები, რომლებმაც ღამე ჭავჭავაძის გამზირზე მიმდინარე აქციაზე გაათენეს, ამბობენ, რომ შემდგომი ნაბიჯების შესახებ განცხადებას დღეს, 19:00 საათზე გააკეთებენ.
ახალი ამბები
მკითხველის რჩეული
- 1 ვლადიკავკაზში ქორწილის მონაწილეები საქართველოს დროშების გამოყენებისთვის დააპატიმრეს
- 2 ქართველი სამხედრო მფრინავი ზვიად ბექაური დაიღუპა კონგოს დემოკრატიულ რესპუბლიკაში
- 3 დამოუკიდებელი მედიების რედაქტორები ელისო კილაძის საქმის განხილვის საჯაროობას ითხოვენ
- 4 „სიკვდილი ამერიკას, სიკვდილი ისრაელს“ - ფონიჭალის მეჩეთმა მოჯთაბა ხამენეის მიმართვა გააზიარა
- 5 მოქალაქე თიანეთის პოლიციას სექსუალური ხასიათის მუქარასა და ძალადობაში ადანაშაულებს
- 6 ძამის ხეობაში კულტურული მემკვიდრეობის ძეგლი, მე-5 საუკუნის ეკლესია დაანგრიეს
„ჩვენ გუშინ ვთქვით, რომ დავიწყეთ წინააღმდეგობის მოძრაობა. ეს არ არის ერთდღიანი, ორსაათიანი, სამსაათიანი. ჩვენ, ლიდერები - ლიდერებში ვგულისმობ იმ ხალხს, ვისაც გვაქვს პასუხისმგებლობა, თქვენგან მონიჭებული მანდატი - ვიდგებით აქ, უწვეტად, სულ ვიქნებით აქ, ყველაფერი იქნება ორგანიზებული, ყველაფერი იქნება ადგილზე, ფეხს არ მოვიცვლით აქედან.
7 საათზე მოვუწოდებთ საზოგადოებას, დიდი შეკრება გავაკეთოთ, რომ გაგაცნოთ შემდეგი გეგმები. მთელი დღის განმავლობაში რაც მეტი ადამიანი მოვა და ვისაუბრებთ, მით უკეთესი, მაგრამ 7 საათზე გელოდებით ყველას“, - განაცხადა ელენე ხოშტარიამ, „კოალიცია ცვლილებისთვის“ ერთ-ერთმა ლიდერმა.
განცხადება გააკეთა „ერთიანობა - ნაციონალური მოძრაობის“ ლიდერმა, ხატია დეკანოიძემაც. „გეგმა არის ასეთი: ვისაც გცალიათ - და მე მგონი, სამშობლოზე უკეთესი საქმე დღეს ჩვენ არ გვაქვს, ყველა უნდა მოხვიდეთ აქ. ჩვენ 7 საათზე, რაც შეიძლება ბევრი უნდა შევიკრიბოთ იმისთვის, რომ გავმართოთ პროტესტი, საინფორმაციო მიტინგი. ეს იქნება ძალიან მნიშვნელოვანი და რა თქმა უნდა, არ უნდა დავკარგოთ ეს საკვანძო საპროტესტო, წინააღმდეგობის მუხტი“, - აღნიშნა მან.
17 ნოემბერს, 20:00 საათზე, ოპოზიციური გაერთიანებების „ერთიანობა - ნაციონალური მოძრაობისა“ და „კოალიცია ცვლილებებისთვის“ ორგანიზებით, თბილისში, ჭავჭავაძის გამზირზე 24-საათიანი უწყვეტი საპროტესტო აქცია დაიწყო. პროტესტს, რომლის მოთხოვნაც ხელახალი საპარლამენტო არჩევნების ჩატარებაა, „გახარია საქართველოსთვის“ და „ძლიერი საქართველოს“ წევრებიც შეუერთდნენ. პროტესტის გამო გადაკეტილია ვარაზისხევი და ჭავჭავაძის გამზირი.
