„ქართული ოცნების“ ახალი საკანონმდებლო ინიციატივა „უმაღლესი განათლების შესახებ“ კანონში ცვლილებებს ითვალისწინებს. კანონპროექტის განმარტებითი ბარათის თანახმად, ცვლილებების მიზანი ათასობით კურსდამთავრებულისთვის დიპლომების აღიარების პროცესის გამარტივება და არსებული უთანასწორობის აღმოფხვრაა.
ახალი ამბები
მკითხველის რჩეული
- 1 უცხოეთში მყოფ წვევამდელებს ჯარში გაწვევისას საქართველოში დაბრუნება მოუწევთ
- 2 აბასთუმნის თავზე ფრენა აიკრძალა - რატომ ჩაკეტა სახელმწიფომ ცა იქ, სადაც ივანიშვილი ცხოვრობს
- 3 საქართველო ევროპაში ბოლო ადგილზეა: პენსია ძირითადი ხარჯების მხოლოდ 22%-ს ფარავს
- 4 სამხარაძე: არაბმა პარტნიორებმა ინვესტიციების წინააღმდეგ კამპანიაზე რეაგირება გვთხოვეს
- 5 მსოფლიო პატრიარქი ბართლომეოსი ილია II-ის დაკრძალვაზე ჩამოვა
- 6 მეუფე ისაია უარყოფს, თითქოს კანდიდატურა მოსაყდრე შიოს სასარგებლოდ მოხსნა
ცვლილებები ორ მთავარ საკითხს ეხება - ხარისხების გათანაბრებას და არააკრედიტებული დიპლომების აღიარებას.
დღემდე მოქმედი წესით, 2010 წლის 1-ელ სექტემბრამდე დასრულებული 4-წლიანი პროგრამები ბაკალავრის ხარისხად ითვლება, ხოლო 5-წლიანი (მათ შორის დაუსწრებელი) - მაგისტრის ხარისხად.
საკანონმდებლო ცვლილებების მიღების შემთხვევაში, 2010 წლის სექტემბრამდე გავლილი ყველა 4-წლიანი ერთსაფეხურიანი პროგრამა მაგისტრის ხარისხს გაუთანაბრდება.
კანონპროექტის ავტორების განმარტებით, ძველი სისტემა უსამართლო იყო იმ პირების მიმართ, ვინც დასწრებულ, 4-წლიან კურსზე სწავლობდა.
ცვლილებები შეეხებათ იმ პირებსაც, რომლებმაც 2010 წლამდე ისეთი სასწავლებლები დაასრულეს, რომლებმაც მოგვიანებით დაკარგეს ან ვერ გაიარეს აკრედიტაცია. უმაღლესი განათლების აღიარება შესაძლებელი გახდება სასამართლოს გარეშე, პირდაპირ ადმინისტრაციული წესით.
კანონპროექტის განმარტებითი ბარათის თანახმად, 2010 წლამდე არ არსებობდა ერთიანი რეესტრი, რის გამოც სტუდენტები ხშირად ფლობდნენ არასრულ ინფორმაციას სასწავლებლის აკრედიტაციის შესახებ. ვინაიდან უზენაეს სასამართლოს ამ საკითხზე უკვე დადგენილი აქვს პრაქტიკა და მოქალაქეების განათლების აღიარება ხდება, კანონით ეს პროცესი ავტომატურად გამარტივდება.
ცვლილებები ასევე ეხება მათ, ვინც სწავლა დაიწყო ლიცენზიის არმქონე დაწესებულებაში, თუმცა სასწავლებელმა ლიცენზია სტუდენტის ჩარიცხვიდან მოკლე პერიოდში (კვირების ან თვეების შემდეგ) მოიპოვა.
