საქართველო უარს აცხადებს თავის ტერიტორიაზე შეუშვას უკრაინიდან ყოფილი პატიმრები, რომლებიც იძულებით იქნენ გადაყვანილნი რუსეთის კოლონიებში. უკვე მე-14 დღეა, რაც 7 ადამიანი ზემო ლარსის სასაზღვრო გამშვები პუნქტის ტერიტორიაზე ცხოვრობს. ამის შესახებ რუსულენოვანი გამოცემა მედუზა წერს, ორგანიზაცია Volunteers Tbilisi-ზე დაყრდნობით, რომელიც საქართველოში უკრაინელ ლტოლვილებს ეხმარება.
ახალი ამბები
Warning: foreach() argument must be of type array|object, bool given in /var/www/sakartvelosambebi.ge/public_html/components/com_content/src/Model/ArticlesModel.php on line 654
Warning: foreach() argument must be of type array|object, bool given in /var/www/sakartvelosambebi.ge/public_html/modules/mod_articles_news/src/Helper/ArticlesNewsHelper.php on line 121
მკითხველის რჩეული
- 1 მზია ამაღლობელის მესამე სარჩელი სტრასბურგში პოლიციის მხრიდან სასტიკ მოპყრობას ეხება
- 2 კობახიძე ეთნიკური ქართველებისთვის მოქალაქეობის მიღების გამარტივებას აანონსებს
- 3 6 წელზე მეტი ასაკის ავტომობილების იმპორტი 1-ელი აპრილიდან აიკრძალება
- 4 ირანის უზენაესი ლიდერის, აიათოლა ალი ხამენეის სიკვდილი დადასტურდა
- 5 6 წელზე ძველი მანქანების იმპორტი აღარ აიკრძალება - განბაჟების ტარიფი 6-ჯერ იზრდება
- 6 მოზარდზე ძალადობისთვის გლდანი-ნაძალადევის პოლიციის უფროსის მოადგილე დააკავეს
ორგანიზაციის მოხალისეების თქმით, მამაკაცებმა საზღვრის გადმოკვეთა პირველად 11 ოქტომბერს სცადეს, მაგრამ საქართველოში არ შემოუშვეს, უკრაინის საგარეო საქმეთა სამინისტროსგან პასუხის მიღების აუცილებლობის მოტივით. აღსანიშნავია, რომ 7 ადამიანიდან მხოლოდ ოთხს აქვს ხელთ უკრაინული პასპორტი, ხოლო დანარჩენ სამს მხოლოდ რუსეთის კოლონიებიდან გათავისუფლების მოწმობა გააჩნიათ.
სასაზღვრო გამშვებ პუნქტში მამაკაცებს იატაკზე უწევთ ძილი, საჭმელი და წყალი მათვის მოხალისეებს მიაქვთ.
ყველა მათგანი სასჯელს ხერსონის კოლონიებში იხდიდა. 2022 წლის შემოდგომაზე, როცა რუსეთის შეიარაღებულმა ძალებმა ხერსონიდან უკან დაიხიეს, ისინი რუსეთის ფედერაციაში გადაიყვანეს. 2022 წელს ხერსონიდან რუსეთის ტერიტორიაზე 2500 პატიმარი გადაიყვანეს.
როგორც ერთ-ერთი მამაკაცი ჰყვება, გათავისუფლების შემდეგ ისინი ვოლგოგრადის დეპორტაციის ცენტრში მოათავსეს, სადაც მათ გადასცეს დადგენილება, რომლითაც რვა წლით რუსეთის ფედერაციაში შესვლა აეკრძალათ.
ერთ-ერთი ყოფილი პატიმარი ამბობს, რომ პროტესტის ნიშნად თვითდაზიანება მიიყენა. მას სამედიცინო დახმარება გაუწიეს და ამჟამად მისი მდგომარეობა სტაბილურია. „ჩვენ ყველანი უკრაინის მოქალაქეები ვართ და მხოლოდ სახლში გვინდა დაბრუნება“, - თქვა ერთმა უკრაინელმა.
ეს არ არის პირველი შემთხვევა, როდესაც საქართველო უარს აცხადებს საკუთარ ტერიტორიაზე შეუშვას ყოფილი უკრაინელი პატიმრები. აგვისტოს ბოლოს ზემო ლარსის გამშვებ პუნქტზე, უკრაინელების ექვსკაციანმა ჯგუფმა ათი დღე გაატარა.
