Եվրոպական միության արտաքին գործերի և անվտանգության քաղաքականության գերագույն ներկայացուցիչ, Եվրահանձնաժողովի փոխնախագահ Կայա Կալլասի հայտարարության համաձայն՝ Վրաստանում ձերբակալված բոլոր ցուցարարները պետք է անհապաղ ազատ արձակվեն։ Այս մասին նա հայտարարել է արտգործնախարարների հանդիպումից հետո հրավիրված մամուլի ասուլիսում։
Լրահոս
Ընթերցողի ընտրանի
- 1 ՆԱՏՕ-ի և Եվրամիության տեղեկատվական կենտրոնը լուծարվում է
- 2 Որևէ ոստիկան պատասխանատվության ենթարկվե՞լ է, նման դեպք չկա․ Իոսելիանի
- 3 Ընտրությունները նախ պետք է լինեն խորհրդարանական, ապա՝ տեղական, կամ համատեղ․ Զուրաբիշվիլի
- 4 Սալոմե Զուրաբիշվիլին ճանապարհը փակելու համար տուգանվել է 5000 լարիով
- 5 «Վրացական երազանքը» թույլ է տալիս Ռուսաստանին մեծացնել ազդեցությունը երկրում. ԱՄՆ հետախուզություն
- 6 Արդյո՞ք մեր շահերից է բխում աշխարհի այս հատվածում հակաամերիկյան կառավարության լինելը. Ռուբիոն` Վրաստանի մասին
«Մենք հակիրճ քննարկել ենք Վրաստանում առկա իրավիճակը։ Ռեպրեսիվ օրենսդրության ընդունումը և ցուցարարների նկատմամբ ուժի չափից ավելի կիրառումը տագնապալի վատթարացում է տարածաշրջանում։ Բոլոր այս ցուցարարները պետք է անհապաղ ազատ արձակվեն։
Հասկանալի է, որ այն քայլերը, որ անում է Վրաստանը, եվրոպական ուղղությամբ չեն շարժվում։ Մենք ակնկալում ենք որոշակի քայլեր ձեռնարկել այնպիսի թեկնածու երկրի կողմից, ինչպիսին Վրաստանն է։ Վրաստանը, միանշանակ, ճիշտ քայլեր չի ձեռնարկում»,- ասել է Կալլասը։
«Վրացական երազանքի» կառավարությունը մոտ 600 մարդու է ձերբակալել 2024 թվականի հոկտեմբերի 26-ի խորհրդարանական ընտրություններից հետո սկսված բողոքի ակցիաների հետ կապված։ Նրանցից ավելի քան 50-ին մեղադրանք է առաջադրվել տարբեր քրեական օրենքներով, նրանց սպառնում է մի քանի տարվա ազատազրկում։ Ձերբակալվածների թվում է «Բաթումելեբի» և «Նեթգազեթի» անկախ լրատվամիջոցների համահիմնադիր և տնօրեն Մզիա Ամաղլոբելին։
