Վրաստանի նախագահ Սալոմե Զուրաբիշվիլին Փարիզում հանդիպել է Ֆրանսիայի նախագահ Էմանուել Մակրոնի և ԱՄՆ նորընտիր նախագահ Դոնալդ Թրամփի հետ։
Լրահոս
Ընթերցողի ընտրանի
- 1 Ռուսամետ «Ալտ-Ինֆո»-ն հայտարարել է, որ կմասնակցի տեղական ինքնակառավարման մարմինների ընտրություններին
- 2 Խուզարկություն է իրականացվել Նանուկա Ժորժոլիանիի, Ալեկո Ցկիտիշվիլիի և մի քանի այլ ակտիվիստների տներում
- 3 Կոբախիձեն առանց Ռուսաստանը հիշատակելու ապրիլի 9-ի պատասխանատվությունը վերագրում է «օտար ուժին»
- 4 Ի՞նչ է գրված օտարերկրյա դրամաշնորհների դեմ «Վրացական երազանք» կուսակցության օրինագծում
- 5 «Երազանքը» կուսակցություններին արգելում է դասախոսություններ անցկացնել ՀԿ-ների աջակցությամբ
- 6 «Վրացական երազանքը» պատրաստվում է արգելել առանց կառավարության համաձայնության օտարերկրյա դրամաշնորհներ ստանալը
«Ես մանրամասն քննարկում եմ ունեցել նախագահներ Թրամփի և Մակրոնի հետ։ Ես բացահայտեցի գողացված ընտրությունները և չափազանց տագնապալի բռնաճնշումները վրաց ժողովրդի դեմ։ Շեշտեցի ուժեղ ԱՄՆ-ի անհրաժեշտությունը։ Վրաց ժողովուրդը Դոնալդ Թրամփի տեսքով բարեկամ ունի։ Թող Աստված օրհնի Ամերիկայի Միացյալ Նահանգները»,- գրել է Զուրաբիշվիլին X հարթակում։
Վրաստանի նախագահը Փարիզում տարբեր երկրների առաջնորդների հետ ներկա է գտնվել Աստվածամոր տաճարի բացման արարողությանը։ Սալոմե Զուրաբիշվիլին հանդիպել է նաև Ուկրաինայի նախագահ Վլադիմիր Զելենսկիի հետ։
Նոյեմբերի 30-ին ԱՄՆ-ը հայտարարեց Վրաստանի հետ ռազմավարական գործընկերության դադարեցման մասին և բացատրեց, որ «Վրացական երազանքի» տարբեր հակաժողովրդավարական գործողությունները խախտում են ռազմավարական գործընկերության հիմնական սկզբունքները։ Ոչ լեգիտիմ վարչապետ Իրակլի Կոբախիձեն այս որոշումը գնահատել է որպես «ժամանակավոր իրադարձություն», որը «ոչ մի սկզբունքային նշանակություն չի կարող ունենալ»։ Կոբախիձեն հույս ունի, որ հունվարի 20-ից՝ Թրամփի երդմնակալությունից հետո, ԱՄՆ-ի վերաբերմունքը Վրաստանի նկատմամբ «ավելի արդար կլինի»։
