«Պիրվելի» հեռուստաընկերության լրագրող Նատա Քաջաիային վեց ամսով արգելել են աշխատել խորհրդարանում։ Այս տեղեկությունը հրապարակել է փաստաբան Թոռնիկե Միգինեիշվիլին։ Նրա խոսքով՝ լրագրողի «հավատարմագրման կասեցումը կապված է խղճի բանտարկյալների անհեթեթ գործով պատրաստված նյութի հետ»։
Լրահոս
Ընթերցողի ընտրանի
- 1 Առգրավվել է 7 միլիոն դոլար․ ՊԱԾ-ը՝ Ղարիբաշվիլիի և այլ նախկին բարձրաստիճան պաշտոնյաների տների խուզարկության մասին
- 2 Դեռահասին ծեծի ենթարկելու մեղադրանքով ձերբակալվել է Մառնեուլիի Սակրեբուլոյի անդամի որդին
- 3 Ընդդիմության արգելման վերաբերյալ Սահմանադրական դատարան հայց կներկայացվի հոկտեմբերին
- 4 Կառավարության հրաժարականի պահանջով հոկտեմբերի 26-ին տեղի կունենա բողոքի երթ
- 5 ԿԸՀ. «Վրացական երազանքի» քաղաքապետի թեկնածուները 25 ընտրատարածքներում ստացել են ձայների 100%-ը
«Նատան անցած շաբաթ օրը հաղորդման համար («Նոդար Մելաձեի շաբաթը») նյութ է պատրաստել, որի ժամանակ փորձել է հարցեր տալ խորհրդարանի ներկայացուցիչներին, քանի որ, ինչպես դատախազությունն է ասում, տղաները վնաս են հասցրել խորհրդարանին։ Ինչպես տեղեկանում ենք, խորհրդարանի տնտեսական աջակցության վարչության պետը հրաժարվել է պատասխանել Նատայի հարցին, սակայն, չնայած դրան, լրագրողը, այնուամենայնիվ, փորձել է պատասխան ստանալ և դրա համար պատժվել է»,- ասել է փաստաբանը։
Սա առաջին դեպքը չէ, երբ խորհրդարանի գրասենյակը պատժամիջոց է կիրառում Նատա Քաջաիայի նկատմամբ։ Անցյալ տարվա հունիսին նրա հավատարմագրումը դադարեցվել էր մեկ ամսով՝ «Ժողովրդի ուժի» պատգամավոր Սոզար Սուբարիի պահանջով։
Վրաստանի խորհրդարանում լրատվամիջոցների ներկայացուցիչների հավատարմագրման նոր, գործունեությունը սահմանափակող կարգը հաստատվել է 2023 թվականի փետրվարին։
Տասներորդ գումարման խորհրդարանի նախագահ Շալվա Պապուաշվիլիի հրամանը լրագրողներին պարտավորեցնում է դադարեցնել հարցազրույցը, եթե խորհրդարանի անդամը, աշխատակազմի անդամը կամ խորհրդարան այցելած անձը հրաժարվում է հարցազրույցից։ Սույն պարտավորությունը խախտելու դեպքում հավատարմագրումը կասեցվում է մեկ ամսով, իսկ կրկնվելու դեպքում՝ 6 ամսով։
