Ըստ Transparency International - Georgia (TI), Մեծ Բրիտանիայի կողմից պատժամիջոցների ենթարկված Աջարիայի կառավարության ոչ լեգիտիմ նախագահ Սուլխան Թամազաշվիլին և նրա ընտանիքը անօրինական կերպով զավթել են Քոբուլեթիի մունիցիպալիտետի Քվեդա Սամեբա գյուղում գրանցված հողամասերին հարակից 2887 քմ չգրանցված հողատարածք և դրա վրա անօրինական կերպով բնակելի տուն կառուցել։
Լրահոս
Ընթերցողի ընտրանի
- 1 Դեռահասին ծեծի ենթարկելու մեղադրանքով ձերբակալվել է Մառնեուլիի Սակրեբուլոյի անդամի որդին
- 2 Ընդդիմության արգելման վերաբերյալ Սահմանադրական դատարան հայց կներկայացվի հոկտեմբերին
- 3 Կառավարության հրաժարականի պահանջով հոկտեմբերի 26-ին տեղի կունենա բողոքի երթ
- 4 ԿԸՀ. «Վրացական երազանքի» քաղաքապետի թեկնածուները 25 ընտրատարածքներում ստացել են ձայների 100%-ը
TI-ի հետազոտության համաձայն՝ Սուլխան Թամազաշվիլին Քվեդա Սամեբայում գտնվող մեկ՝ 2500 քմ հողատարածքը և դրա վրա առկա 248 քմ շենք-շինությունը (նկարում՝ հողամաս #1) գրանցել է որպես համասեփականություն 2017 թվականի հոկտեմբերի 12-ին, սակայն դա նշված չի եղել 2017, 2018, 2019, 2020 և 2021 թվականներին նրա կողմից ներկայացված գույքի հայտարարագրերում։
«Ինչպես երևում է Google Earth-ի օրթոֆոտոից, այս հողամասի վրա գտնվող հին տունը, ամենայն հավանականությամբ, քանդվել է 2020 թվականից հետո։
2020 և 2021 թվականներին ներկայացված գույքի հայտարարագրերում Թամազաշվիլին չի ներառել նաև Քվեդա Սամեբա գյուղում գտնվող երկրորդ 2498 քմ հողամասը (հողամաս #2), որը գրանցվել է որպես իր համասեփականություն 2019 թվականի մայիսի 7-ին։
Սուլխան Թամազաշվիլին այս հողամասերը և դրանց վրա գտնվող շինությունները ներառել է միայն 2022, 2023 և 2024 թվականներին ներկայացված գույքի հայտարարագրերում, սակայն 25% բաժնեմասի փոխարեն սխալմամբ նշել է 50%։ Հենց այս երկու հողամասերին հարակից է գտնվում 2 887 քմ մակերեսով չգրանցված հողամասը, որի վրա Թամազաշվիլին իրականացրել է անօրինական շինարարություն», - գրում է Transparency International Georgia-ն։
Սուլխան Թամազաշվիլին մինչև 2025 թվականի ապրիլի 7-ը զբաղեցրել է տարբեր պաշտոններ Ներքին գործերի նախարարությունում։ Վերջին չորս տարիների ընթացքում նա եղել է Թբիլիսիի ոստիկանության դեպարտամենտի տնօրեն։ 2024 թվականի դեկտեմբերին Թամազաշվիլին պատժամիջոցների է ենթարկվել Մեծ Բրիտանիայի կառավարության կողմից՝ եվրոպամետ բողոքի ցույցերը բռնի կերպով ճնշելու համար։ Դրանից հետո «Վրացական երազանքի» նախագահ Միխեիլ Կավելաշվիլիի կողմից նա պարգևատրվել է Պատվո շքանշանով՝ «օրենքի և կարգուկանոնի ամրապնդման գործում ունեցած հատուկ ներդրման համար»։ Սուլխան Թամազաշվիլին հետագայում նշանակվել է Աջարիայի Ինքնավար Հանրապետության կառավարության նախագահ։
