Շվեդիան դադարեցնում է համագործակցությունը Վրաստանի կառավարության հետ

«Վրաստանում զարգացած իրադարձությունները արդեն որոշ ժամանակ է՝ մտահոգություն են առաջացնում։ Սա ամրապնդվում է այս խորհրդարանական ընտրություններում միջազգային դիտորդների կողմից նկատված խախտումներով»,- գրավոր մեկնաբանության մեջ ասել է Շվեդիայի զարգացման համագործակցության և արտաքին առևտրի նախարար Բենջամին Դուսան։

Ըստ Դուսայի՝ Վրաստանի քաղաքացիական հասարակությանը իր ժողովրդավարական դերի կատարումը կանխելու փորձերը, այդ թվում՝ սահմանափակող օրենսդրության միջոցով, հակասում են Եվրամիության նորմերին և արժեքներին։

«Այդ կապակցությամբ կառավարությունը դադարեցնում է Շվեդիայի և Վրաստանի իշխանությունների միջև ուղիղ համագործակցությունը, որը դեռ շարունակվում է, այդ թվում՝ Վրաստանի հարկային մարմինների հետ», - ասել է Բենջամին Դուսան։

Նրա խոսքով՝ ապագայում համագործակցությունը կարող է վերականգնվել, եթե Վրաստանը մոտենա Եվրամիությանը։

Ըստ Sweden Herald-ի՝ Վրաստանին Շվեդիայի օգնությունը կազմում է մոտ 200 մլն շվեդական կրոն կամ տարեկան մոտ 51 014 774 լարի։ Այս տարի երկրի քաղաքացիական հասարակությանը հատկացվել է 25 մլն։