ԱՄՆ Միջազգային զարգացման գործակալության (USAID) ծրագրերի 83%-ը կփակվի։ Այս մասին հայտարարել է պետքարտուղար Մարկո Ռուբիոն 6-շաբաթյա վերանայումից հետո։
Լրահոս
Ընթերցողի ընտրանի
- 1 Առգրավվել է 7 միլիոն դոլար․ ՊԱԾ-ը՝ Ղարիբաշվիլիի և այլ նախկին բարձրաստիճան պաշտոնյաների տների խուզարկության մասին
- 2 Դեռահասին ծեծի ենթարկելու մեղադրանքով ձերբակալվել է Մառնեուլիի Սակրեբուլոյի անդամի որդին
- 3 Ընդդիմության արգելման վերաբերյալ Սահմանադրական դատարան հայց կներկայացվի հոկտեմբերին
- 4 Կառավարության հրաժարականի պահանջով հոկտեմբերի 26-ին տեղի կունենա բողոքի երթ
- 5 ԿԸՀ. «Վրացական երազանքի» քաղաքապետի թեկնածուները 25 ընտրատարածքներում ստացել են ձայների 100%-ը
«5200 պայմանագրերը, որոնք այժմ չեղյալ են հայտարարվել, վատնել են տասնյակ միլիարդավոր դոլարներ, որոնք չեն ծառայել (և որոշ դեպքերում վնասել են) Միացյալ Նահանգների հիմնական ազգային շահերին», - գրել է Ռուբիոն X հարթակում:
Նա ասել է, որ Պետդեպարտամենտը Կոնգրեսի հետ խորհրդակցելուց հետո մտադիր է ավելի արդյունավետ կառավարել մնացած մոտ 1000 ծրագրերը։
Մարկո Ռուբիոն շնորհակալություն է հայտնել Իլոն Մասկի Կառավարության արդյունավետության վարչությանը (DOGE) և «աշխատասեր անձնակազմին», ովքեր «անհամար ժամեր են աշխատել այս վաղուց ուշացած և պատմական բարեփոխումն իրականացնելու համար»:
Հունվարի 20-ին, երկրորդ անգամ պաշտոնը ստանձնելուց անմիջապես հետո, ԱՄՆ նախագահ Դոնալդ Թրամփը գործադիր հրաման է արձակել 90 օրով դադարեցնելու USAID-ի արտաքին օգնությունը՝ վերանայելու դրա ծրագրային արդյունավետությունը և գնահատելու դրա համապատասխանությունը ԱՄՆ արտաքին քաղաքականությանը:
USAID-ը հիմնադրվել է 1961 թվականին՝ նախագահ Ջոն Քենեդու կառավարման օրոք և ֆինանսավորել է մարդասիրական ծրագրեր ամբողջ աշխարհում: Արտաքին օգնության բյուջեն 2025 թվականին պետք է կազմեր 42,8 միլիարդ դոլար։ Թրամփը կարծում է, որ արտաքին օգնության մեծ մասն անօգուտ էր և ծառայել է լիբերալ օրակարգի առաջմղմանը:
