2024 թվականի նոյեմբերի 28-ից մինչ օրս արձանագրվել է եվրոպամետ հանրահավաքներում և/կամ դրանց հետ կապված ԶԼՄ ներկայացուցիչների իրավունքների խախտման 124 դեպք։ Այս մասին հայտնում է ԶԼՄ-ների, տեղեկատվության և սոցիալական հետազոտությունների կենտրոնը (CMIS):
Լրահոս
Ընթերցողի ընտրանի
- 1 ՆԱՏՕ-ի և Եվրամիության տեղեկատվական կենտրոնը լուծարվում է
- 2 Որևէ ոստիկան պատասխանատվության ենթարկվե՞լ է, նման դեպք չկա․ Իոսելիանի
- 3 Սալոմե Զուրաբիշվիլին ճանապարհը փակելու համար տուգանվել է 5000 լարիով
- 4 Ընտրությունները նախ պետք է լինեն խորհրդարանական, ապա՝ տեղական, կամ համատեղ․ Զուրաբիշվիլի
- 5 «Վրացական երազանքը» թույլ է տալիս Ռուսաստանին մեծացնել ազդեցությունը երկրում. ԱՄՆ հետախուզություն
- 6 Արդյո՞ք մեր շահերից է բխում աշխարհի այս հատվածում հակաամերիկյան կառավարության լինելը. Ռուբիոն` Վրաստանի մասին
Կազմակերպությունը գրում է, որ Թբիլիսիում և Վրաստանի այլ քաղաքներում շարունակվող բողոքի ակցիաները լուսաբանելիս միտում են դարձել լրագրողների, օպերատորների և լուսանկարիչների աշխատանքի խոչընդոտման դեպքերը, բանավոր և ֆիզիկական բռնությունները, սարքավորումների վնասումը կամ առգրավումը։ Ըստ CMIS-ի տվյալների՝ ռեպրեսիաների թիրախ է դարձել ընդհանուր առմամբ 147 լրագրող, լուսանկարիչ և օպերատոր։
«Դրանցից 24 լրագրողներ մեկից ավելի անգամ վիրավորվել են և վնասվել են նրանց սարքավորումները և/կամ ֆիզիկապես վիրավորվել, տուգանվել կամ նրանց նկատմամբ հարուցվել է գործ»,- գրում է կազմակերպությունը։
Ըստ CMIS-ի, միտում է դարձել նաև բողոքի ակցիաները լուսաբանելու համար լրատվամիջոցների ներկայացուցիչներին տուգանելը: Ճանապարհ փակելու համար ոստիկանությունը 17 լրագրողի տուգանել է 5000 լարիի չափով։ Տուգանվածների թվում կան ինչպես հեռուստաընկերությունների, այնպես էլ առցանց լրատվամիջոցների աշխատակիցներ։
Վրաստանում 113 օր շարունակ ընթանում են բողոքի ակցիաներ, որոնց պահանջն է նոր խորհրդարանական ընտրությունների անցկացումը և ցույցերի ընթացքում ձերբակալվածների ազատ արձակումը։ «Վրացական երազանք» կուսակցությունը մի շարք ռեպրեսիվ փոփոխություններ է մտցրել տարբեր օրենքներում՝ ցույցերը սահմանափակելու համար, ներառյալ ճանապարհները փակելու համար տուգանքների 10 անգամ ավելացումը, դեմքը փակելու արգելքը և հանրահավաքներում լազերների և պիրոտեխնիկայի օգտագործումը:
Վրաստանի երիտասարդ իրավաբանների ասոցիացիայի տվյալների համաձայն՝ 2024 թվականի նոյեմբերից մինչև մարտի 18-ը ճանապարհը փակելու համար բողոքի ակցիայի մասնակիցներին նշանակված տուգանքների չափը հասնում է 2 միլիոն լարիի։ Մարտի 17-ին դատախազությունը արգելանք է կիրառել հինգ հիմնադրամների և կազմակերպությունների նկատմամբ, որոնք օգնում էին տուգանված քաղաքացիներին վճարել տուգանքները։
