Խաշուրիի շրջանային դատարանը Ցխրամուխայի մենաստանում 70-ամյա միանձնուհուն խմբակային, առանձնապես դաժանությամբ բռնաբարելու և կողոպտելու մեջ մեղադրվող երկու անձին դատապարտել է 20-ական տարվա ազատազրկման։ Դատավճիռը հրապարակել է դատավոր Մևլուդ Խաթաշվիլին։
Լրահոս
Ընթերցողի ընտրանի
- 1 Որևէ ոստիկան պատասխանատվության ենթարկվե՞լ է, նման դեպք չկա․ Իոսելիանի
- 2 Սալոմե Զուրաբիշվիլին ճանապարհը փակելու համար տուգանվել է 5000 լարիով
- 3 Իսրայելը հարվածել է Իրանի միջուկային ենթակառուցվածքին
- 4 Ուկրաինայի պատերազմում զոհվել է վրացի մարտիկ՝ 22-ամյա Դեմետրե Դարչիան
- 5 Դատարանը Ադրբեջանում ձերբակալված Ռուսաստանի քաղաքացիներին դատապարտել է նախնական կալանքի
- 6 «Վրացական երազանքի» էկոնոմիկայի նախարար Լևան Դավիթաշվիլին ազատվել է պաշտոնից
Գործի նյութերի համաձայն՝ 2022 թվականի նոյեմբերի 25-ին Ցխրամուխա գյուղում գտնվող մենաստանի բնակելի խցում երկու անձ հարձակվել են միանձնուհու վրա։ Նրանք ֆիզիկական բռնություն են գործադրել միանձնուհու նկատմամբ և խմբակային բռնաբարել նրան: Դրանից հետո հարձակվողները եկեղեցուց գողացել են նվիրատվության արկղերն ու թաքնվել։
Նոյեմբերի 26-ին ոստիկանները ձերբակալել են 1995 թվականին ծնված Լ.Թ.-ին և 1983 թվականին ծնված Վ.Գ.-ին: Դատախազությունը նրանց մեղադրանք է առաջադրել քրեական օրենսգրքի 137-րդ (խմբակային բռնաբարություն, տուժողի նկատմամբ առանձնակի դաժանությամբ) և 179-րդ (խմբակային կողոպուտ, բնակելի խուց ապօրինի մուտք գործելով) հոդվածներով, որը ենթադրում է 15-20 տարվա կամ ցմահ ազատազրկում:
Երկու դատապարտյալներն էլ նախկինում դատապարտված են եղել։
