Ըմբշամարտի աշխարհի չեմպիոն Նուգզար Ծուրծումիային մահացած են գտել

27-ամյա մարզիկի մահվան ստույգ պատճառը դեռևս հայտնի չէ։

Նուգզար Ծուրծումիան 22 տարեկանում աշխարհի չեմպիոն է դարձել 2019 թվականին Ղազախստանում կայացած առաջնությունում։ Նշենք, որ հունահռոմեական ոճի ըմբշամարտում վրացի մարզիկը 12 տարի անց առաջին անգամ նվաճեց ոսկե մեդալ։

Նուգզար Ծուրծումիան աշխարհի առաջնությունում նվաճել է արծաթե և բրոնզե մեդալներ։ Բացի այդ, նա եղել է Եվրոպայի առաջնության արծաթե և բրոնզե մեդալակիր։

2022 թվականին ըմբշամարտի համաշխարհային ֆեդերացիան Նուգզար Ծուրծումիային 55 կգ քաշային կարգում հունահռոմեական ոճի ըմբիշների համաշխարհային դասակարգման աղյուսակում ընդգրկել է չորրորդ հորիզոնականում։