Ֆրանսիայի նախագահ Էմանուել Մակրոնը, Գերմանիայի կանցլեր Օլաֆ Շոլցը և Լեհաստանի վարչապետ Դոնալդ Տուսկը համատեղ հայտարարությամբ մտահոգություն են հայտնել Վրաստանի ներկայիս քաղաքական իրավիճակի վերաբերյալ։ Այս մասին տեղեկություն է հրապարակում Reuters գործակալությունը։
Լրահոս
Ընթերցողի ընտրանի
- 1 Ռուսամետ «Ալտ-Ինֆո»-ն հայտարարել է, որ կմասնակցի տեղական ինքնակառավարման մարմինների ընտրություններին
- 2 Կոբախիձեն առանց Ռուսաստանը հիշատակելու ապրիլի 9-ի պատասխանատվությունը վերագրում է «օտար ուժին»
- 3 Խուզարկություն է իրականացվել Նանուկա Ժորժոլիանիի, Ալեկո Ցկիտիշվիլիի և մի քանի այլ ակտիվիստների տներում
- 4 Ի՞նչ է գրված օտարերկրյա դրամաշնորհների դեմ «Վրացական երազանք» կուսակցության օրինագծում
- 5 «Երազանքը» կուսակցություններին արգելում է դասախոսություններ անցկացնել ՀԿ-ների աջակցությամբ
- 6 «Վրացական երազանքը» պատրաստվում է արգելել առանց կառավարության համաձայնության օտարերկրյա դրամաշնորհներ ստանալը
Վայմարի եռանկյունու առաջնորդները հայտարարում են, որ իրենք չեն կարողանա աջակցել Վրաստանի հետ ԵՄ անդամակցության բանակցությունների մեկնարկին, քանի դեռ երկիրը բարեփոխումներ չի իրականացրել։
«Քանի դեռ Վրաստանը չի փոխել իր ներկայիս ընթացքը և ցույց չի տվել բարեփոխումներին ուղղված շոշափելի ջանքեր, հատկապես չեղյալ համարելով եվրոպական արժեքներին և սկզբունքներին հակասող վերջին օրենքը, մենք չենք կարողանա աջակցել Վրաստանի հետ անդամակցության բանակցությունների մեկնարկին», - ասել են առաջնորդները։
Հայտարարությունը հրապարակվել է Հունգարիայի մայրաքաղաք Բուդապեշտում Եվրոպական քաղաքական միության գագաթնաժողովի մեկնարկից առաջ։ Հինգշաբթի և ուրբաթ օրը գագաթնաժողովին կմասնակցեն 50 երկրների ղեկավարներ, որոնց թվում է նաև Վրաստանի վարչապետ Իրակլի Կոբախիձեն։
Հոկտեմբերի 30-ին Եվրահանձնաժողովը հրապարակեց իր ամենամյա ընդլայնման փաթեթը, որը գնահատում է տասը երկրների, այդ թվում՝ Վրաստանի առաջընթացը ԵՄ անդամակցության ճանապարհին։ Եվրահանձնաժողովը հայտարարում է, որ Վրաստանի անդամակցության գործընթացը դե ֆակտո կասեցվել է կառավարության գործողությունների պատճառով և խորհուրդ չի տալիս սկսել Վրաստանի հետ անդամակցության բանակցությունները, քանի դեռ երկիրը չի փոխել իր ընթացքը։
