Հայաստանի քննչական կոմիտեի տվյալներով՝ ԱԱԾ-ն կանխել է «զինված հեղաշրջման միջոցով իշխանությունը յուրացնելու փորձ»։ Ըստ կոմիտեի՝ հանցագործությանը մասնակցել են Հայաստանի հինգ քաղաքացիներ, Լեռնային Ղարաբաղի երկու նախկին բնակիչներ և անձինք, որոնց ինքնությունը դեռևս պարզված չէ։
Լրահոս
Ընթերցողի ընտրանի
- 1 Կոբախիձեն առանց Ռուսաստանը հիշատակելու ապրիլի 9-ի պատասխանատվությունը վերագրում է «օտար ուժին»
- 2 Ի՞նչ է գրված օտարերկրյա դրամաշնորհների դեմ «Վրացական երազանք» կուսակցության օրինագծում
- 3 Ռուսամետ «Ալտ-Ինֆո»-ն հայտարարել է, որ կմասնակցի տեղական ինքնակառավարման մարմինների ընտրություններին
- 4 «Երազանքը» կուսակցություններին արգելում է դասախոսություններ անցկացնել ՀԿ-ների աջակցությամբ
- 5 «Վրացական երազանքը» պատրաստվում է արգելել առանց կառավարության համաձայնության օտարերկրյա դրամաշնորհներ ստանալը
- 6 Ոչ լեգիտիմ կառավարությունը քայլեր է ձեռնարկում վրաց ժողովրդին հետապնդելու համար․ՀԿ-ներ
«Այս անձինք, նախնական համաձայնությամբ, ՀՀ իշխանությունը զավթելու նպատակով, վարձատրության՝ յուրաքանչյուրին ամսական շուրջ 220 000 ՌԴ ռուբլի վճարի դիմաց, Ռուսաստանի Դաշնությունում եռամսյա հավաքներ անցնելու և դրա ընթացքում նոր ծանր զինատեսակներին ծանոթանալու, դրանց կիրառման հմտություններ ուսանելու, ապա ՀՀ վերադառնալուց հետո մարտական հերթապահություն իրականացնելու, ինչպես նաև գիտելիքները այլ անձանց փոխանցելու պատրվակով, 2024 թվականի ընթացքում հավաքագրել են ՀՀ մի շարք քաղաքացիների և Լեռնային Ղարաբաղի մի շարք նախկին բնակիչների»,- հայտարարել են քննչական կոմիտեից:
Քննչական կոմիտեն պնդում է, որ հավաքագրված անձինք ուղարկվել են ՌԴ Դոնի Ռոստով, որտեղ նրանց ստուգել են՝ ներառյալ պոլիգրաֆի միջոցով՝ պարզելու նրանց քաղաքական հայացքները: Դրանից հետո վարձկանները տեղակայվել են «Արբատ» ռազմաբազայում, որտեղ անցել են մարտական պատրաստություն։
«Նրանց ասել են, որ վարժանքների նպատակը Հայաստանի Հանրապետություն վերադառնալն ու գործող իշխանությունը տապալելն է»,- հայտարարել են քննչական կոմիտեից՝ նշելով, որ հավաքագրված անձանց մի մասը հրաժարվել է մասնակցել հանցագործությանը և վերադարձել Հայաստան, իսկ մյուս կասկածյալները «չեն կարողացել ավարտին հասցնել հանցագործությունը»։
Քննչական կոմիտեն քրեական հետապնդում է հարուցել 7 անձի նկատմամբ: Նրանցից 3-ը ձերբակալվել են, իսկ 4-ի նկատմամբ հայտարարվել է հետախուզում:
