Գուդաուրիում ռուս զբոսաշրջիկների հետ վիճաբանության ժամանակ ձերբակալված քաղաքացիական ակտիվիստ և «Traffic Travel» տուրիստական ընկերության հիմնադիր Ցոտնե Ջափարիձեին ոստիկանությունը մեղադրում է մանր խուլիգանության և անհնազանդության մեջ։
Լրահոս
Ընթերցողի ընտրանի
- 1 Կոբախիձեն առանց Ռուսաստանը հիշատակելու ապրիլի 9-ի պատասխանատվությունը վերագրում է «օտար ուժին»
- 2 Ի՞նչ է գրված օտարերկրյա դրամաշնորհների դեմ «Վրացական երազանք» կուսակցության օրինագծում
- 3 Ռուսամետ «Ալտ-Ինֆո»-ն հայտարարել է, որ կմասնակցի տեղական ինքնակառավարման մարմինների ընտրություններին
- 4 «Երազանքը» կուսակցություններին արգելում է դասախոսություններ անցկացնել ՀԿ-ների աջակցությամբ
- 5 «Վրացական երազանքը» պատրաստվում է արգելել առանց կառավարության համաձայնության օտարերկրյա դրամաշնորհներ ստանալը
- 6 Խուզարկություն է իրականացվել Նանուկա Ժորժոլիանիի, Ալեկո Ցկիտիշվիլիի և մի քանի այլ ակտիվիստների տներում
«Ես 12 և 21 տարեկան երեխաներիս հետ կանգնած էի ճոպանուղու մոտ, երբ այնտեղ գտնվողներից մեկն ինձ հետ ռուսերեն խոսեց։ Ես ասացի, որ խոսի անգլերեն: Նա ինձ հարցրեց, թե ինչու: Ես ասացի՝որովհետև «Fuck Russia»: Դրան հաջորդեց բանավոր և ֆիզիկական բախում։ Նրանք երեքն էին։ Տասից ավելի ոստիկաններ եկան ու փոխանակ նրանց հեռացնեին, բոլորն ինձ վրա հարձակվեցին։ Նրանցից մեկն ինձ ծաղրելով ասաց՝ դու սադրիչ ես։ Ինձ ցած գցեցին ու ձեռնաշղթաներ հագցրին։ Սա կատարվում էր իմ երեխաների աչքի առաջ։ Նրանք ինձ դահուկային կոշիկներով տարան Մցխեթա»,- ասել է Ջափարիձեն «Վրաստանի լուրերին»։
Մցխեթայի շրջանային դատարանը վարչական կարգով կալանավորված Ցոտնե Ջափարիձեի գործը պետք է քններ նույն օրը՝ երեկ, սակայն Ջափարիձեի փաստաբանի միջնորդությամբ նիստը հետաձգվել է մինչև փետրվարի 15-ը։
Մեղավոր ճանաչվելու դեպքում Ջափարիձեին սպառնում է տուգանք 2000-ից 3000 լարիի չափով կամ վարչական ազատազրկում՝ մինչև 15 օր ժամկետով:
