Ռուսաստանի կողմից օկուպացված Ցխինվալիի շրջանի այսպես կոչված նախագահ Ալան Գագլոևը ժամանել է Ուկրաինայի Զապորոժիեի շրջանի Մելիտոպոլ քաղաք, որտեղ նա հանդիպել է հատուկ գործողությանը մասնակցող օս մարտիկներին և կամավորներին։ Գագլոևը շնորհակալություն է հայտնել նրանց «այն խիզախության ու հերոսության համար, որ նրանք ամեն օր ցույց են տալիս»։
Լրահոս
Ընթերցողի ընտրանի
- 1 Ի՞նչ է գրված օտարերկրյա դրամաշնորհների դեմ «Վրացական երազանք» կուսակցության օրինագծում
- 2 Կոբախիձեն առանց Ռուսաստանը հիշատակելու ապրիլի 9-ի պատասխանատվությունը վերագրում է «օտար ուժին»
- 3 «Վրացական երազանքը» պատրաստվում է արգելել առանց կառավարության համաձայնության օտարերկրյա դրամաշնորհներ ստանալը
- 4 «Երազանքը» կուսակցություններին արգելում է դասախոսություններ անցկացնել ՀԿ-ների աջակցությամբ
- 5 «Սոփլիս Նոբաթիի» կաթի մեջ առողջության համար վտանգավոր նյութ է հայտնաբերվել
- 6 ՄԱՇ․ Գեներալներ Գոգավան և Կուրաշվիլին ռուսական հանձնաժողովին կներկայանան առանց կուսակցական պատկանելության
Այսպես կոչված Հարավային Օսիայի նախագահի մամուլի քարտուղար Նատալյա Բոսիկովայի խոսքով՝ Գագլոևն իր հայրենակիցներին տվել է տեխնիկական սարքավորումներ և ռազմական տեխնիկա, ինչպես նաև առաջին անհրաժեշտության դեղամիջոցներ և պարենային ապրանքներ։
«Նախագահը առաջնագծում գտնվող Մելիտոպոլ քաղաքում գտնվելու ընթացքում համոզվել է, որ մարտիկներն ապահովված են իրենց մարտական խնդիրները կատարելու համար անհրաժեշտ ամեն ինչով։ Հատուկ գործողության մեկնարկից հետո պետության ղեկավարը կապի մեջ է Օսիայից մեկնած մարտիկների հետ և լավ գիտի իրավիճակը, գիտի, թե ինչ է նրանց առաջին հերթին անհրաժեշտ»,- ասել է Բոսիկովան։
2022 թվականի փետրվարի 24-ին Ուկրաինա ներխուժումից հետո Ռուսաստանի զինված ուժերի կողմից գրավված առաջին քաղաքներից է Մելիտոպոլը։ Այն մնում է օկուպացված մինչ օրս: Սեպտեմբերի վերջին, երբ ՌԴ նախագահ Վլադիմիր Պուտինը ստորագրեց Զապորոժիեի` դաշնությանը միանալու պայմանագիրը, Ալան Գագլոևն ասել էր, որ «Ռուսաստան վերադառնալը պատմական և մարդկային արդարության վերականգնումն է»։
Ուկրաինայում ռուսական կողմում կռվում են Ցխինվալիի շրջանում տեղակայված Ռուսաստանի չորրորդ ռազմաբազայի զինծառայողներն ու կամավորները։ Այս ընթացքում պատերազմում զոհվել է Ցխինվալիից մեկնած մոտ 20 մարդ։
Այս թեմայով՝
Եվրախորհրդարանը հաստատել է օկուպացված շրջաններում տրված ռուսական անձնագրերի չճանաչումը
