Թբիլիսիի Ճավճավաձեի պողոտայում, այսպես կոչված, օրենքով գող Մերաբ Ջանգվելաձեի եղբոր՝ Լևան Ջանգվելաձեի սպանության գործով ոստիկանությունը մեկ անձ է ձերբակալել։
Լրահոս
Ընթերցողի ընտրանի
- 1 Կոբախիձեն առանց Ռուսաստանը հիշատակելու ապրիլի 9-ի պատասխանատվությունը վերագրում է «օտար ուժին»
- 2 Ի՞նչ է գրված օտարերկրյա դրամաշնորհների դեմ «Վրացական երազանք» կուսակցության օրինագծում
- 3 Ռուսամետ «Ալտ-Ինֆո»-ն հայտարարել է, որ կմասնակցի տեղական ինքնակառավարման մարմինների ընտրություններին
- 4 «Երազանքը» կուսակցություններին արգելում է դասախոսություններ անցկացնել ՀԿ-ների աջակցությամբ
- 5 «Վրացական երազանքը» պատրաստվում է արգելել առանց կառավարության համաձայնության օտարերկրյա դրամաշնորհներ ստանալը
- 6 Ոչ լեգիտիմ կառավարությունը քայլեր է ձեռնարկում վրաց ժողովրդին հետապնդելու համար․ՀԿ-ներ
ՆԳՆ հաղորդմամբ՝ դիտավորյալ սպանության և ապօրինի կերպով հրազեն ձեռք բերելու, պահելու և կրելու մեղադրանքով ձերբակալվել է 1975 թվականին ծնված Գ.Ու.-ն։
«Քննությամբ պարզվել է, որ մեղադրյալը Թբիլիսիի Ճավճավաձեի պողոտայում հրազենից կրակել է երկու անձի՝ պատճառելով մի քանի հրազենային վնասվածք և դեպքի վայրից դիմել է փախուստի։
Ստացած վնասվածքների հետևանքով 1964 թվականին ծնված Լ.Ջ.-ն տեղում մահացել է, իսկ 1965 թվականին ծնված Գ.Չ.-ն տեղափոխվել է բուժհաստատություն։
Գործով ձեռնարկված օպերատիվ-որոնողական միջոցառումների և քննչական գործողությունների արդյունքում իրավապահները մեղադրյալին ձերբակալել են Թբիլիսիում»,- ասված է ՆԳՆ-ի այսօր՝ մարտի 17-ին տարածած հաղորդագրության մեջ։
Գործը հետաքննվում է Քրեական օրենսգրքի 108-րդ և 236-րդ հոդվածներով՝ դիտավորությամբ սպանություն և ապօրինի կերպով հրազեն գնել, պահել և կրել։ Հանցագործությունը պատժվում է մինչև 15 տարվա ազատազրկմամբ։
