Վրաստանում ԱՄՆ դեսպան Քելի Դեգնանը պատասխանել է լրագրողների այն հարցին, թե որքանով է հավաստի BBC-ի հրապարակած հետաքննությունը, և արդյոք ԱՄՆ-ը քննարկում է Վրաստանի պաշտպանության նախկին նախարար, «Ֆորմուլա» հեռուստաընկերության սեփականատեր Դավիթ Կեզերաշվիլիի նկատմամբ պատժամիջոցներ սահմանելու հարցը:
Լրահոս
Ընթերցողի ընտրանի
- 1 ՆԱՏՕ-ի և Եվրամիության տեղեկատվական կենտրոնը լուծարվում է
- 2 Որևէ ոստիկան պատասխանատվության ենթարկվե՞լ է, նման դեպք չկա․ Իոսելիանի
- 3 Սալոմե Զուրաբիշվիլին ճանապարհը փակելու համար տուգանվել է 5000 լարիով
- 4 Ընտրությունները նախ պետք է լինեն խորհրդարանական, ապա՝ տեղական, կամ համատեղ․ Զուրաբիշվիլի
- 5 Արդյո՞ք մեր շահերից է բխում աշխարհի այս հատվածում հակաամերիկյան կառավարության լինելը. Ռուբիոն` Վրաստանի մասին
- 6 «Վրացական երազանքը» թույլ է տալիս Ռուսաստանին մեծացնել ազդեցությունը երկրում. ԱՄՆ հետախուզություն
«Ինչպես արդեն ասացի, մենք նախապես չենք հայտարարում մեր պատժամիջոցների մասին։ Այնուամենայնիվ, սա լավ օրինակ է այն բանի, թե որքան կարևոր է հետաքննական լրագրությունը, կառավարության կողմից անցկացված հետաքննությունները այնպիսի և՛ հանրային և՛ ոչ հանրային տեղեկություն ներկայացնելու համար, որոնք հիմք են հանդիսանում նման միջոցառումների համար:
Ակնհայտ է, որ նախքան որևէ գործողություն ձեռնարկելը, մենք անցնում ենք մեր խիստ, մանրակրկիտ գործընթացը՝ տեղեկատվությունը գնահատելու համար, և BBC-ի հետաքննության նման բաները կարևոր բաղադրիչ են: Հուսով եմ, որ վրացական իշխանությունները հնարավորություն կունենան հետաքննել սեփական մեղադրանքները, և սա այն տեղեկությունն է, որը կարող է դառնալ դրա մի մասը»,- ասել է Քելի Դեգնանը։
Կոռուպցիոն գործունեության մեջ ներգրավվածության պատճառով վրացի դատավորների նկատմամբ պատժամիջոցներ կիրառելու վերաբերյալ դեսպանը ևս մեկ անգամ կրկնել է, որ վիզային պատժամիջոցները հիմնված են տարբեր, այդ թվում՝ հանրությանը հասանելի տեղեկատվության վրա։ Ըստ Քելի Դեգնանի, եթե վրացական իշխանությունները ցանկանում են սեփական հետաքննությունն անցկացնել, ապա այդ տեղեկատվության մեծ մասը հայտնի է երկար տարիներ:
«Վստահ եմ, որ հավաստի անկախ հետաքննությունը կհասներ նույն եզրակացությանը», - ասել է Քելի Դեգնանը:
BBC-ի բրիտանական հեռարձակման կորպորացիայի պատրաստած լրագրողական հետաքննության համաձայն՝ Դավիթ Կեզերաշվիլին կապված է Milton Group-ի հետ, որը հասարակ մարդկանց, այդ թվում՝ Մեծ Բրիտանիայի քաղաքացիներին թալանել է ավելի քան մեկ միլիարդ դոլար։ BBC-ն գրում է, որ Կեզերաշվիլին Կիևում գրասենյակային շենք ունի, որտեղ խարդախ քոլ ցենտրեր և ծրագրային տեխնոլոգիական ընկերություններ են տեղակայված: Նույն տեխնոլոգիական ընկերությունները գործում էին Թբիլիսիում Կեզերաշվիլիին պատկանող գրասենյակներում։
Դավիթ Կեզերաշվիլին հերքել է իր մասնակցությունը գլոբալ խարդախության սխեմային և ասել, որ կօգտագործի իրավական բոլոր լծակները՝ ապացուցելու, որ BBC-ի նյութը պարունակում է ոչ ճշգրիտ փաստեր և կեղծ ենթադրություններ։
Լրագրողական հետաքննության հրապարակումից հետո «Վրացական երազանքի» պատգամավորները հանդես են եկել Կեզերաշվիլիի նկատմամբ պատժամիջոցներ սահմանելու պահանջով:
