Այն բանից հետո, երբ իշխող «Վրացական երազանք» կուսակցության նախագահ Իրակլի Կոբախիձեն հայտարարեց, որ հակասահմանադրական է վրացական բանկերում ԱՄՆ կողմից պատժամիջոցների ենթարկված Վրաստանի նախկին գլխավոր դատախազի հաշիվների սառեցումը, Վրաստանի Ազգային բանկը փոխել է պատժամիջոցների կիրառման կարգը։ Ազգային բանկն այլևս չի պարտավորեցնում կոմերցիոն բանկերին պատժամիջոցներ կիրառել Փարցխալաձեի նկատմամբ։
Լրահոս
Ընթերցողի ընտրանի
- 1 Ռուսամետ «Ալտ-Ինֆո»-ն հայտարարել է, որ կմասնակցի տեղական ինքնակառավարման մարմինների ընտրություններին
- 2 Կոբախիձեն առանց Ռուսաստանը հիշատակելու ապրիլի 9-ի պատասխանատվությունը վերագրում է «օտար ուժին»
- 3 Խուզարկություն է իրականացվել Նանուկա Ժորժոլիանիի, Ալեկո Ցկիտիշվիլիի և մի քանի այլ ակտիվիստների տներում
- 4 Ի՞նչ է գրված օտարերկրյա դրամաշնորհների դեմ «Վրացական երազանք» կուսակցության օրինագծում
- 5 «Երազանքը» կուսակցություններին արգելում է դասախոսություններ անցկացնել ՀԿ-ների աջակցությամբ
- 6 «Վրացական երազանքը» պատրաստվում է արգելել առանց կառավարության համաձայնության օտարերկրյա դրամաշնորհներ ստանալը
Փարցխալաձեի շահերին հարմարեցված հրամանը, որը հրապարակվել է սեպտեմբերի 19-ին, ստորագրել է Ազգային բանկի նախագահի պաշտոնակատար, էկոնոմիկայի նախկին նախարար Նաթիա Թուրնավան։
Հրամանում ասվում է.
«Վրաստանի քաղաքացիների հետ կապված բացառություն.
- Սույն կանոնով նախատեսված պատժամիջոցների ռեժիմները կիրառվում են.
ա) Վրաստանի քաղաքացու նկատմամբ, եթե նրա նկատմամբ կիրառված պատժամիջոցների հիման վրա Վրաստանի դատարանի կողմից կայացվել է օրինական ուժի մեջ մտած մեղադրական դատավճիռ,
բ) Վրաստանում գրանցված իրավաբանական անձի նկատմամբ, որի բաժնեմասը պատկանում է պատժամիջոցների ենթարկված Վրաստանի քաղաքացուն (քաղաքացիներին), եթե կիրառված պատժամիջոցների հիման վրա վրացական դատարանը կայացրել է օրինական ուժի մեջ մտած մեղադրական դատավճիռ։
- Վրաստանի Ազգային բանկը պարտավոր է անհապաղ տեղեկացնել համապատասխան մարմիններին՝ հետագա արձագանքման համար, եթե վերահսկողության գործընթացում հանցագործության նշաններ հայտնաբերվեն», - հրամանն ուժի մեջ է մտել հրապարակումից անմիջապես հետո, այսինքն՝ երեկվանից։
Սեպտեմբերի 18-ին Ազգային բանկը հայտարարել է, որ «Վրաստանի ֆինանսական հատվածին հանձնարարված է հաշվի առնել ԱՄՆ գանձապետարանի արտաքին ակտիվների վերահսկողության գրասենյակի (OFAC) կողմից սահմանված պահանջները պատժամիջոցների ենթարկված անձանց ցուցակում (SDN list) ընդգրկված անձանց համար, ինչը ենթադրում է ակտիվների հասանելիության և պատժամիջոցների ենթարկված անձանց կողմից ֆինանսական գործարքների իրականացման սահմանափակում»:
Սեպտեմբերի 14-ին հայտնի դարձավ, որ ԱՄՆ-ը պատժամիջոցներ է կիրառել Վրաստանի նախկին գլխավոր դատախազ Օթար Փարցխալաձեի նկատմամբ։ Պետդեպարտամենտի փաստաթղթում Փարցխալաձեն նշվում է որպես վրացի-ռուս օլիգարխ, ում հետ Ռուսաստանի Անվտանգության դաշնային ծառայությունը (FSB) աշխատել է վրաց հասարակության և քաղաքականության վրա հօգուտ Ռուսաստանի ազդելու համար:
