Ապրիլի 11-ից 25-ը ընթացող վերականգնողական աշխատանքների պատճառով տեղական նշանակության Վազիանի-Գոմբորի-Թելավի ավտոճանապարհին կարգելվի բոլոր տեսակի տրանսպորտային միջոցների երթևեկությունը։
Լրահոս
Ընթերցողի ընտրանի
- 1 Վրացիները, հավանաբար, այլևս չեն կարողանա աշխատել Լեհաստանում պարզեցված ընթացակարգով
- 2 Կարևոր է, որ Վրաստանի կառավարության ճանաչումը դառնա իրականություն. Զախարովան՝ Օգոստոսյան պատերազմի մասին
- 3 Վաշինգտոնում տեղի կունենա Թրամփի, Փաշինյանի և Ալիևը հանդիպումը
- 4 Գիորգի Ախոբաձեն անմեղ ճանաչվեց և ազատ արձակվեց դատարանի դահլիճից
- 5 Որոշ քաղաքացիներ կկարողանան ստանալ նույնականացման քարտեր կես գնով՝ 30 լարիով
- 6 Ռուսաստանը պատրաստ է համագործակցել Վրաստանի հետ․ Գալուզին
Ավտոճանապարհային վարչությունը հայտարարել է, որ այս ընթացքում լեռնանցքում կկազմակերպվի ջրահեռացման համակարգը և սողանքային հատվածներում կփոխարինվի թույլ գրունտը։
«Կախված աշխատանքների յուրահատկությունից՝ անհրաժեշտ է մայրուղին մինչև 3-4 մետր կտրել, ինչը չի կարող ապահովել ավտոմոբիլների անցանելիությունը։ Հայցում ենք ձեր ներողամտությունը բնակչությանը պատճառված անհարմարությունների համար»,- ասել է ավտոճանապարհների դեպարտամենտի փոխնախագահ Պավլե Գամկրելիձեն։
Մինչ Գոմբորիի ճանապարհի բացումը ավտոմոբիլային երթևեկությունը կիրականացվի Թբիլիսի-Բակուրցիխե-Լագոդեխի միջազգային նշանակության մայրուղով։
Վազիանի-Գոմբորի-Թելավի ավտոճանապարհին վերականգնվում է 33,6 կմ երկարությամբ հատվածը։ Նախագծով նախատեսվում է երթևեկելի մասի ամբողջական վերականգնում, ասֆալտբետոնե ծածկի անցում, 6 կամուրջների վերականգնում, նոր ջրատարների և երկաթբետոնե ստորին և վերին կրող պատերի կազմակերպում։ Վերականգնումն արդեն մեկ տարի ընթանում է և պետք է ավարտվի աշնանը։ Ծրագրի համար պետբյուջեից հատկացվել է 66 700 000 լարի։
