Մառնեուլիի Պետական անվտանգության ծառայության նախկին աշխատակից Իլհամ Ախիևը ձերբակալվել է կնոջը անձնական կյանքի կադրերով շանտաժի ենթարկելու և շորթելու մեղադրանքով։ Այս մասին տեղեկություն է տարածել «Պիրվելի» հեռուստաընկերությունը։ Մեղադրյալի հայրը լրագրողին հաստատել է, որ որդին 20 տարի աշխատել է անվտանգության ծառայությունում, իսկ երկու ամիս առաջ ձերբակալվել է։
Լրահոս
Ընթերցողի ընտրանի
- 1 Վրաստանը ձևավորվում է որպես կիսակոնսոլիդացված ավտորիտար ռեժիմ. Freedom House
- 2 «Վրաստանը Ջորջիան չէ». ինչ են ասում Մոսկվայից Թբիլիսիում շարունակվող բողոքի ակցիաների մասին
- 3 Այս օրենքը ոչ եվրոպական է, ոչ էլ ամերիկյան. Եվրամիության դեսպանը՝ ռուսական օրենքի մասին
- 4 Կառավարությունը մայիսի 7-ը, 8-ը և 10-ը հայտարարել է ոչ աշխատանքային օրեր
- 5 Մեծ հույս ունենք, որ Վրաստանը չի ընդունի այսպես կոչված գործակալների մասին օրենքը․ Շոլցը՝ Կոբախիձեին
- 6 Գերմանիան Վրաստանի կառավարությանը կոչ է արել չխոչընդոտել երկրի ուղին դեպի եվրոպական ապագա
Ըստ «Պիրվելիի» հեռուստաընկերության՝ գործով երկու մեղադրյալ կա՝ Իլհամ Ախիևը և անշարժ գույքի մի կին գործակալ։ Մեղադրյալները Ռուսաստանում բիզնես ունեցող տուժողին անձնական կադրերով շանտաժի ենթարկելով և հրազենով սպառնալով ստիպել են Մառնեուլի քաղաքի Ռուսթավելի փողոցում գնած թանկարժեք բնակարանը գրանցվել անշարժ գույքի գործակալի անունով։
«Թբիլիսիում, Փոնիճալայի հյուրանոցներից մեկում երկու համար են վարձել։ Մեղադրյալը հանդիպել է տուժողին և տաքսիով նրան տեղափոխել հյուրանոցի վերը նշված սենյակ։ Սենյակ մտնելուն պես սկսել է շոյել նրան, և գոտկատեղից վերև հանել շորերը, ընթացքում երկրորդ մեղադրյալն իր բջջային հեռախոսով տեսագրել է անձնական կյանքին վերաբերող տեսանյութ։ Նրանք փակել են հյուրանոցի սենյակի դուռը և տուժողին ստիպել են իրենց անունով ձևակերպել բնակարանը»,- ասել է գործի դատախազը։
Բնակարանը իրենց վրա գրանցելուց հետո, նրանք երկու անգամ գումար են շորթել գործարար կնոջից՝ սպառնալով հրապարակել նրա անձնական կյանքին վերաբերող կադրերը։ Ըստ դատախազի՝ հանցավոր գործողությունների արդյունքում տուժողին պատճառվել է մոտ 188 000 լարիի գույքային վնաս։
Մեղադրյալ Իլհամ Ախիևի հայրը կարծում է, որ իր որդին անմեղ է։ «Կարծում եմ՝ սարքել են։ Լավ էր աշխատում, մրցանակներ ուներ, մայորի կոչում ուներ»,- «Պիրվելիին» տված հարցազրույցում ասել է նա։
Մառնեուլիից քաղաքացիական ակտիվիստ Սամիրա Բայրամովան հայտնել է, որ մինչ ձերբակալությունը Իլհամ Ախիևը խոսել է իր նկատմամբ աշխատանքի վայրում խտրականության մասին և խնդրել է հանդիպում՝ քննարկելու այս հարցը։ Բայրամովայի խոսքով՝ Ախիևն ասել է, որ իրեն «գաղտնալսում են»։
