ԱՄՆ պետքարտուղարի քաղաքացիական անվտանգության, ժողովրդավարության և մարդու իրավունքների գծով տեղակալ Ուզրա Զեյան կայցելի Վրաստան և Հայաստան։ Նա հավանաբար վաղը կժամանի Թբիլիսի։
Լրահոս
Ընթերցողի ընտրանի
- 1 ՆԱՏՕ-ի և Եվրամիության տեղեկատվական կենտրոնը լուծարվում է
- 2 Որևէ ոստիկան պատասխանատվության ենթարկվե՞լ է, նման դեպք չկա․ Իոսելիանի
- 3 Ընտրությունները նախ պետք է լինեն խորհրդարանական, ապա՝ տեղական, կամ համատեղ․ Զուրաբիշվիլի
- 4 Սալոմե Զուրաբիշվիլին ճանապարհը փակելու համար տուգանվել է 5000 լարիով
- 5 «Վրացական երազանքը» թույլ է տալիս Ռուսաստանին մեծացնել ազդեցությունը երկրում. ԱՄՆ հետախուզություն
- 6 Արդյո՞ք մեր շահերից է բխում աշխարհի այս հատվածում հակաամերիկյան կառավարության լինելը. Ռուբիոն` Վրաստանի մասին
Ըստ Պետդեպարտամենտի՝ Էնթոնի Բլինքենի տեղակալը կհանդիպի կառավարության, քաղաքացիական հասարակության, ԶԼՄ-ների և խորհրդարանի ներկայացուցիչների հետ՝ «ընդգծելու ԱՄՆ-ի լուրջ մտահոգությունները «արտաքին ազդեցության» մասին օրենքի և այլ ոչ լիբերալ օրենքների, ինչպես նաև Վրաստանի կառավարության վնասակար հռետորաբանության վերաբերյալ, որը վտանգ է ներկայացնում Վրաստանի եվրատլանտյան հետագծի համար»։
«Դա ցույց է տալիս, որ կառավարության ոչ ժողովրդավարական պահվածքը և Միացյալ Նահանգների մասին ապատեղեկատվությունը վնասել են մեր երկարամյա հարաբերությունները», - ասվում է Պետդեպարտամենտի հայտարարության մեջ:
Բացի այդ, ըստ գերատեսչության, Ուզրա Զեյան կընդգծի ԱՄՆ-ի անսասան աջակցությունը Վրաստանի ինքնիշխանությանն ու տարածքային ամբողջականությանը, վրաց ժողովրդի հավատարմությունը եվրաատլանտյան ինտեգրմանը և 32 տարվա գործընկերության ընթացքում Վրաստանին ցուցաբերվող աջակցությունը։
Բացի այդ, պետքարտուղարի տեղակալը կխոսի ազատ, արդար ընտրությունների և ակտիվ քաղաքացիական հասարակության կարևորության, հիմնարար ազատությունների նկատմամբ հարգանքի բարձրացման, մարգինալացված խմբերի անդամների և Վրաստանի բոլոր քաղաքացիների իրավունքների պաշտպանության մասին։
Պետքարտուղարի տեղակալը կհանդիպի նաև տեղահանված կանանց կողմից հիմնադրված համայնքային կազմակերպության հետ։
Ուզրա Զեյան կհանդիպի Հայաստանում պետական բարձրաստիճան պաշտոնյաների և քաղաքացիական հասարակության ներկայացուցիչների հետ։ Զրույցը կվերաբերի ԱՄՆ-Հայաստան գործընկերության ամրապնդմանը և օրենքի գերակայության, հակակոռուպցիոն և դատաիրավական բարեփոխումների ուղղությամբ Հայաստանի առաջընթացին։ Նա նաև կհանդիպի ՄԱԿ-ի և այլ միջազգային կազմակերպությունների հետ, որոնք աշխատում են Հայաստանում խոցելի և մարգինալացված խմբերին աջակցելու ուղղությամբ: ԱՄՆ պետքարտուղարի տեղակալը հարգանքի տուրք կմատուցի 1915 թվականի Հայոց ցեղասպանության զոհերի հիշատակին և կայցելի Հաղպատի վանք, որը ՅՈՒՆԵՍԿՕ-ի համաշխարհային ժառանգության հուշարձան է։
