Հայաստանի արտգործնախարար Արարատ Միրզոյանը և Միացյալ Նահանգների պետքարտուղար Էնթոնի Բլինքենն այսօր Վաշինգտոնում ստորագրելու են երկրների միջև ռազմավարական գործընկերության մասին փաստաթուղթ։
Լրահոս
Ընթերցողի ընտրանի
- 1 Կոբախիձեն առանց Ռուսաստանը հիշատակելու ապրիլի 9-ի պատասխանատվությունը վերագրում է «օտար ուժին»
- 2 Ի՞նչ է գրված օտարերկրյա դրամաշնորհների դեմ «Վրացական երազանք» կուսակցության օրինագծում
- 3 Ռուսամետ «Ալտ-Ինֆո»-ն հայտարարել է, որ կմասնակցի տեղական ինքնակառավարման մարմինների ընտրություններին
- 4 «Երազանքը» կուսակցություններին արգելում է դասախոսություններ անցկացնել ՀԿ-ների աջակցությամբ
- 5 «Վրացական երազանքը» պատրաստվում է արգելել առանց կառավարության համաձայնության օտարերկրյա դրամաշնորհներ ստանալը
- 6 Ոչ լեգիտիմ կառավարությունը քայլեր է ձեռնարկում վրաց ժողովրդին հետապնդելու համար․ՀԿ-ներ
Ինչպես հայտնել են Հայաստանի արտաքին գործերի նախարարությունից, փաստաթղթի ստորագրումը տեղի կունենա Երևանի ժամանակով 22:00-ին։
Անցյալ շաբաթ Միրզոյանը չէր բացառել ռազմավարական գործընկերության մասին համաձայնագրի ստորագրման հնարավորությունը։ «Մենք ունենք ռազմավարական երկխոսություն, և պայմանավորվել ենք այն բարձրացնել ռազմավարական գործընկերության մակարդակի»,- ասել է նախարարը։
Հայաստանը 2023 թվականից արագացրեց իր մերձեցումը ԱՄՆ-ի և ԵՄ-ի հետ այն բանից հետո, երբ վարչապետ Նիկոլ Փաշինյանը Ռուսաստանին և ՀԱՊԿ-ին մեղադրեց ԼՂ հակամարտության ժամանակ անգործության մեջ, ինչի արդյունքում ինքնահռչակ հանրապետության ողջ տարածքն անցավ Ադրբեջանի վերահսկողության տակ։
Այս ֆոնին «Վրացական երազանքը» գնալով ավելի է հեռացնում Վրաստանը Արևմուտքից։ 2024 թվականի նոյեմբերի վերջին ԱՄՆ-ը որոշեց դադարեցնել իր ռազմավարական գործընկերությունը Վրաստանի հետ։ Պետդեպարտամենտի գնահատմամբ՝ «Վրացական երազանքի» տարբեր հակաժողովրդավարական գործողությունները խախտել են ԱՄՆ-Վրաստան ռազմավարական գործընկերության հիմնարար սկզբունքները, որոնք հիմնված են ընդհանուր արժեքների և հավատարմության վրա՝ ժողովրդավարություն, օրենքի գերակայություն, քաղաքացիական հասարակություն, մարդու իրավունքների պաշտպանություն և հակակոռուպցիոն ջանքեր։
Ռազմավարական գործընկերության կասեցմանը նախորդել է ԱՄՆ-ի կողմից Վրաստանի հետ երկկողմ համագործակցության համապարփակ վերանայումը, որը սկսվել է «Վրացական երազանքի» կողմից «գործակալների մասին» ռուսական օրենքը կրկին նախաձեռնելուց և ընդունելուց հետո:
