“Aksiyanın bütün iştirakçılarına və təşkilatçılarına xəbərdarlıq edirik ki, polis aksiya iştirakçılarının zorakılıq hərəkətlərinin qarşısını qanuna uyğun şəkildə almağa başladıqda, Amerika və Avropa kimi qabaqcıl ölkələrdə məqbul olan tədbirlər kimi sərt tədbirlər tətbiq olunacaq”, - Daxili İşlər Nazirliyinin Mərkəzi Kriminal Polis İdarəsinin direktoru Teymuraz Kupatadze bu gün keçirdiyi brifinqdə bildirib.
Əsas xəbərlər
Oxucunun seçimi
- 1 Rus qanununu vasitəsilə fiziki şəxsləri də cərimələmək mümkün olacaq
- 2 Bidzina İvanişvilinin anti-qərb mesajları
- 3 Parlament rus qanununu üçüncü oxunuşda 84 səslə qəbul edib | Qanunu dəstəkləyənlərin siyahısı
- 4 Bu qanunu gözəlləşdirəcəyimə ümidiniz olmasın, bu qanun rus tiplidir və belə də qalacaq
- 5 Avropa Parlamenti “Gürcü Arzusu”nun rus qanunu əleyhinə qətnamə qəbul edib
- 6 Təslim olmayın, bizdən şifahi dəstəkdən daha çoxunu gözləyə bilərsiniz - Rot aksiyada bildirib
Nazirlik “xarici agentlər” haqqında rus qanununa qarşı aksiyalar zamanı polisin həddindən artıq güc tətbiqini dezinformasiya adlandırır. Kupatadze jurnalistlərə müxtəlif ölkələrdə dağıdılan etirazçıların kadrlarını göstərib.
“İnkişaf etmiş dünya razılaşır ki, istənilən dövlətdə asayişi qorumaq polisin əsas vəzifəsidir və bu kadrlar təsdiq edir ki, bütün ölkələrdə polis qanunlara uyğun hərəkət etmək və səlahiyyətləri daxilində ən sərt və çox vaxt ictimaiyyət üçün qəbuledilməz tədbirlərdən istifadə etmək hüququna malikdir”, - Mərkəzi Kriminal Polis İdarəsinin direktoru bildirib.
Onun sözlərinə görə, son vaxtlar Tbilisidə keçirilən yığıncaq-nümayişlər qanunvericiliklə müəyyən edilmiş sərhədləri dəfələrlə aşıb. “Biz qanunverici orqana basqın, parlamentin mühasirəyə alınması cəhdi, həmçinin hüquq-mühafizə orqanlarının əməkdaşlarına qarşı bir sıra zorakılıq hallarının şahidi olduq.
Bu kadrlar təkcə Gürcüstan mətbuatının deyil, dünya mediasının da diqqətini çəkib
Avropalı həmkarlarım da mənimlə razılaşacaqlar ki, bu, mütənasib güc və gürcü hüquq-mühafizə orqanlarının istifadə etdiyi kifayət qədər yumşaq hərəkətlər olub”, - Kupatadze bildirib.
Və o vurğulayıb ki, gürcü polisi beynəlxalq səviyyədə qəbul edilmiş standartlara uyğun - ardıcıl və hadisələrə cavab olaraq xüsusi tədbirlərdən istifadə edir və son aksiyalar zamanı da eyni şəkildə hərəkət edir. Onun sözlərinə görə, Xüsusi Təyinatlılar İdarəsinin nümayəndələri necə ki, Gürcüstanda, eləcə də Almaniya, Bolqarıstan, Hollandiya, İtaliya, Fransa və Türkiyə Respublikasında beynəlxalq səviyyəli təlimlər keçiblər.
Aprelin 15-dən Tbilisidə rus qanunu əleyhinə keçirilən etiraz aksiyalarında 100-dən çox dinc etirazçı həbs edilib. Daxili İşlər Nazirliyi etirazçılara qarşı su şırnaqlarından, gözyaşardıcı qazdan və bibər qazından istifadə edib. Vətəndaşlar rezin güllələrdən də yaralanıb, lakin, Daxili İşlər Nazirliyi onlardan istifadə edilməsini təkzib edir. Xüsusi Təyinatlılar İdarəsinin əməkdaşları küçələrdə vətəndaşları təqib edərək onlara fiziki təzyiq göstəriblər. Aksiyalarda Gürcüstan parlamentinin müxalifətçi deputatları Aleksandre Elisaşvili və Levan Xabeişvili döyülüb. Jurnalistlərə qarşı da güc tətbiq edilib.
Xalq Müdafiəçisinin qiymətləndirməsinə görə, 30 aprel aksiyasında Daxili İşlər Nazirliyinin güc tətbiq etməsi üçün heç bir əsas olmayıb. Ombudsman nazirliyə bildirib ki, aksiya iştirakçıları dinc yığıncaq çərçivəsindən kənara çıxarsa, onlara qarşı fərdi zəruri və mütənasib tədbirlər görülməlidir. “Yuxarıda qeyd olunanların əksinə olaraq, hüquq-mühafizə orqanlarının əməkdaşları yığıncaq iştirakçılarına, o cümlədən dinc nümayişçilərə qarşı xüsusi tədbirlər görməyə başlayıblar ki, bu da hüquqa, lazımi və mütənasib müdaxilə standartına ziddir”, - deyə Levan Yoseliyan bildirib.
Beynəlxalq insan haqları təşkilatı “Amnesty International” 17 aprel nümayişinin dağıdılması ilə bağlı yazıb ki, polis dinc nümayişə kömək etmək əvəzinə cəza əməliyyatı həyata keçirib. Təşkilatın açıqlamasında polisin qaçan etirazçıları təqib edərək dəyənəklə vurduğu, mühasirəyə aldığı və yerə yıxılanları amansızcasına döydüyü qeyd edilir.
