Հյուսիսատլանտյան դաշինքի գլխավոր քարտուղար Յենս Ստոլտենբերգի խոսքով՝ Վրաստանի վարչապետի հետ հանդիպմանը քննարկել են ՆԱՏՕ-ի և Վրաստանի միջև գործընկերության հետագա զարգացումը։ Ստոլտենբերգը ևս մեկ անգամ ընդգծել է բարեփոխումների, այդ թվում՝ օրենքի գերակայության ամրապնդման անհրաժեշտությունը։
Լրահոս
Ընթերցողի ընտրանի
- 1 Խուզարկություն է իրականացվել Նանուկա Ժորժոլիանիի, Ալեկո Ցկիտիշվիլիի և մի քանի այլ ակտիվիստների տներում
- 2 Ռուսամետ «Ալտ-Ինֆո»-ն հայտարարել է, որ կմասնակցի տեղական ինքնակառավարման մարմինների ընտրություններին
- 3 Վրաստանը փոխում է 17 երկրի քաղաքացիների համար մուտքի և երկրում մնալու կանոնները
- 4 Ղարիբաշվիլին հեռացել է քաղաքականությունից. կոռուպցիոն դեպքեր, որոնց մեջ մեղադրում էին նրան
- 5 Ռուսաստանը կանոնավոր չվերթներ է սկսել դեպի օկուպացված Աբխազիա
- 6 Բրիտանիան մարդու իրավունքների խախտման համար պատժամիջոցներ է սահմանել «Երազանքի» 4 բարձրաստիճան պաշտոնյաների նկատմամբ
«Եվրամիության կողմից տրված թեկնածուի կարգավիճակը կարևոր հնարավորություն է ամրապնդելու ձեր կայունությունն ու բարգավաճումը։
Այն, ինչ դուք անում եք ԵՄ-ին միանալու համար, նույնը պետք է անեք ՆԱՏՕ-ի լիարժեք դաշնակից դառնալու համար: Կարևոր է, որ Վրաստանը շարունակի ամրապնդել տեղական բարեփոխումները, ժողովրդավարական արժեքները և օրենքի գերակայությունը, ներառյալ ազատ և արդար խորհրդարանական ընտրությունները այս տարվա հոկտեմբերին»,- ճեպազրույցում ասել է Յենս Ստոլտենբերգը։
Ինչպես նշել է գլխավոր քարտուղարը՝ ՆԱՏՕ-ն կանգնած է Վրաստանի՝ դեպի ավելի ուժեղ ժողովրդավարություն և լիարժեք եվրաատլանտյան ինտեգրում ուղու կողքին: Նրա խոսքով՝ այդ աջակցությունը հաստատվում է Բուխարեստի որոշմամբ, ըստ որի՝ Վրաստանը կդառնա դաշինքի անդամ։
ՆԱՏՕ-ի գլխավոր քարտուղարը փետրվարի 18-ին Թբիլիսիում էր։ Նա հանդիպել է նախագահ Սալոմե Զուրաբիշվիլիի և վարչապետ Իրակլի Կոբախիձեի հետ։ Հարավային Կովկաս եռօրյա շրջագայության շրջանակում Յենս Ստոլտենբերգը մեկնել է Երևան, որտեղ կհանդիպի Հայաստանի նախագահ Վահգան Խաչատուրյանի և վարչապետ Նիկոլ Փաշինյանի հետ։ Կիրակի և երկուշաբթի օրը Ստոլտենբերգը Բաքվում հանդիպել է Ադրբեջանի նախագահ Իլհամ Ալիևի, ինչպես նաև արտաքին գործերի և պաշտպանության նախարարների հետ։
