Վրաստանի և Հունաստանի ազգային հավաքականների միջև այսօր կայանալիք ֆուտբոլային հանդիպման պատճառով Թբիլիսիում մետրոյի և ավտոբուսի որոշ երթուղիների աշխատանքային ժամը կերկարացվի։
Լրահոս
Ընթերցողի ընտրանի
- 1 Խուզարկություն է իրականացվել Նանուկա Ժորժոլիանիի, Ալեկո Ցկիտիշվիլիի և մի քանի այլ ակտիվիստների տներում
- 2 Ռուսամետ «Ալտ-Ինֆո»-ն հայտարարել է, որ կմասնակցի տեղական ինքնակառավարման մարմինների ընտրություններին
- 3 Կոբախիձեն առանց Ռուսաստանը հիշատակելու ապրիլի 9-ի պատասխանատվությունը վերագրում է «օտար ուժին»
- 4 Ոչ լեգիտիմ կառավարությունը քայլեր է ձեռնարկում վրաց ժողովրդին հետապնդելու համար․ՀԿ-ներ
- 5 Վրաստանը փոխում է 17 երկրի քաղաքացիների համար մուտքի և երկրում մնալու կանոնները
- 6 Ղարիբաշվիլին հեռացել է քաղաքականությունից. կոռուպցիոն դեպքեր, որոնց մեջ մեղադրում էին նրան
Թբիլիսիի քաղաքապետարանի տեղեկատվության համաձայն՝ մետրոն ժամը 00:00-ի փոխարեն մարտի 27-ին աշխատանքը կավարտի ժամը 02:00-ին, և կսպասարկի ինչպես «Դինամո Արենա», այնպես էլ Առաջին Հանրապետության հրապարակ եկած երկրպագուներին։
Մարտի 26-ին ժամը 22:00-ից մինչև մարտի 27-ը ժամը 02:00-ն գործելու են հետևյալ ավտոբուսները՝ N301, N306, N308, N310, N311, N314, N315, N320, N326, N327, N331, N337, N342, N345, N352, N358, N359, N364, N378, N381, N384, N386, N388, N391, N397։
Վրաստանի ֆուտբոլի ազգային հավաքականն այսօր «Եվրո 2024»-ի որակավորման փուլի եզրափակիչ խաղում ուժերը կչափի Հունաստանի ընտրանու հետ։ Հանդիպումը «Դինամո Արենայում» կմեկնարկի ժամը 21:00-ին։ Խաղի բոլոր տոմսերը վաճառվել են։ Հանդիպմանը զուգահեռ Թբիլիսիի Առաջին Հանրապետության հրապարակում ֆուտբոլասերների համար կտեղադրվի մեծ էկրան։
Այսօրվա խաղը կարևորագույններից է անկախ Վրաստանի ֆուտբոլի պատմության մեջ։ Մարտի 21-ին ազգային հավաքականը կիսաեզրափակիչում 2:0 հաշվով հաղթեց Լյուքսեմբուրգի ընտրանուն, իսկ այսօր հաղթող թիմը կխաղա Գերմանիայում կայանալիք Եվրոպայի առաջնության եզրափակիչ փուլում։
