«Վրացական երազանքի» խորհրդարանում ստեղծված ժամանակավոր քննիչ հանձնաժողովի մանդատը ընդլայնվելու է և այլևս չի սահմանափակվելու 2003-2012 թվականների իրադարձությունների «հետաքննությամբ»։ Այս մասին հայտարարել է կուսակցության գործադիր քարտուղար Մամուկա Մդինարաձեն։
Լրահոս
Ընթերցողի ընտրանի
- 1 Կոբախիձեն առանց Ռուսաստանը հիշատակելու ապրիլի 9-ի պատասխանատվությունը վերագրում է «օտար ուժին»
- 2 Ի՞նչ է գրված օտարերկրյա դրամաշնորհների դեմ «Վրացական երազանք» կուսակցության օրինագծում
- 3 Ռուսամետ «Ալտ-Ինֆո»-ն հայտարարել է, որ կմասնակցի տեղական ինքնակառավարման մարմինների ընտրություններին
- 4 «Երազանքը» կուսակցություններին արգելում է դասախոսություններ անցկացնել ՀԿ-ների աջակցությամբ
- 5 «Վրացական երազանքը» պատրաստվում է արգելել առանց կառավարության համաձայնության օտարերկրյա դրամաշնորհներ ստանալը
- 6 Ոչ լեգիտիմ կառավարությունը քայլեր է ձեռնարկում վրաց ժողովրդին հետապնդելու համար․ՀԿ-ներ
«Խորհրդարանական ժամանակավոր քննիչ հանձնաժողովի աշխատանքի ընթացքում պարզ դարձավ 2012 թվականից հետո տեղի ունեցած իրադարձությունների հետ կապված գործողությունների քննության անհրաժեշտությունը։ Գործակալական ընդդիմության ներկայացուցիչների արածը վերջին տարիների շարունակությունն է։ Ավելին, նրանք մշտապես զբաղված են Վրաստանի սահմանադրական կարգը տապալելու կամ բռնությամբ փոխելու և Վրաստանի սահմանադրական կարգին այլ կերպ հակազդելու փորձերով»,- մարտի 27-ին կայացած ճեպազրույցում ասել է Մդինարաձեն։
Նրա խոսքով, ընդդիմությունը 2012 թվականից ի վեր «բազմաթիվ հակապետական գործողություններ է կատարել, որոնք պահանջում են համապատասխան իրավական գնահատական և արձագանք»:
«Մենք այդ կապակցությամբ խորհրդակցել ենք հանձնաժողովի անդամների հետ, և որպեսզի հանձնաժողովի գործունեության շրջանակը չսահմանափակվի միայն մինչև 2012 թվականը կատարված հակապետական և հանցավոր արարքների հետաքննությամբ, որոշեցինք ընդլայնել նրա մանդատը և այն երկարաձգել 2012 թվականից հետո, այսինքն՝ 2003 թվականից մինչև մեր օրերը», - ասել է Մդինարաձեն։
Ինչպես նշել է նա, դատախազությունում այս հարցերով «ինտենսիվ քննչական գործողություններ» են ընթանում, և «Վրացական երազանքը» կսպասի դրանց արդյունքներին։ Մդինարաձեն չի հստակեցրել, սակայն, ամենայն հավանականությամբ, նկատի ուներ, այսպես կոչված, սաբոտաժի գործով սկսված հետաքննությունը։
«Վրացական երազանք» կուսակցությունը փետրվարին ստեղծել է ժամանակավոր քննիչ հանձնաժողով՝ «Միացյալ ազգային շարժման» կառավարության գործունեությունը հետաքննելու համար, որը գլխավորում է Թեա Ծուլուկիանին։ Հանձնաժողովի ուշադրության կենտրոնում գտնվող հարցերից մեկը 2008 թվականի Օգոստոսյան ռուս-վրացական պատերազմն է:
